JEREMIA 18:15 - BIBEL JAMITA NA DENGGAN

¹⁵ Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEREMIA 18:15 Referans Kwoze

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JESAYA 57:14

Adong ma na mandok: “Buka ma, buka ma, parade ma dalan, angkati hamu ma batu partuktuhan sian dalan ni bangsongKu.”

MALEAKI 2:8

Hape saonnari, madung manyimbil hamu angka malim sian dalan na tutu. Hara ni angka pangajaranmunu, hona sarat do bahat halak gabe mambaen na sala. Diputuskon hamu do parjanjian dohot halak Levi ninna Tuhan Na Markuaso.

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

MATEUS 15:6

hara ni i nada diwajibkon be pasangaponnia simatobangnia i. Hum hara ni adat hasomalan ni ompungmunu, gabe so mararga be hata ni Debata dibaen hamu.

HOSEA 2:13

UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 13:25

I ma bagianmu na dung Hutontuhon hara ni na nihalupahonmu Au jana porsaya ho tu angka gabus.

JEREMIA 3:21

Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.

SURAT NI SI PAULUS TU PARLAGUTAN ROM 14:21

Gumonan ma indangkon sai nipangan juhut sanga niinum anggur sanga aha sajo pe tehe, muda patunda ni i do tartuktuk dongan na asing.

JEREMIA 19:5

Madung dipajongjong halahi langgatan pamelean tu Baal laho manutungi anak ni halahi gabe haul situtungon tu Baal, hape nian so jungada Huparentahon sanga Huhatahon songon i jana nada jungada torbit dirohangKu si songon i.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JESAYA 9:16

Madung dipalilu jana digaor angka pamimpin ni bangso i rayat i.

JESAYA 3:12

Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JESAYA 65:7

hara ni angka dosa ni halahi dohot dosa ni ompu ni halahi. Ninna Tuhan, “Dipabile halahi do Au marhite na manutung hamonyan di inganan parsombaan tu angka debata di dolok, jana dilayasi Au. UhumanKu do halahi marguru tu pangalaho ni halahi na salpu i.”

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

JEREMIA 18:14

Na so ra mantak do salju sian dolok batu na di Libanon. Nada jungada mahiang aek na borgo na mardalan di partoran.

JEREMIA 51:18

Nada mararga angka gana-ganaan, patut do niincahan jana nilayasan. Muda dapot di hatihana, mago muse ma halahi sudena.

JEHESKIEL 21:15

Mago do habaranion ni bangsongKu dibaen podang i jana tartuktuk lalu tinggang. Huondam kota ni halahi dohot podang na manyirlak songon hilap jana na hobas laho mambunu.

JEHESKIEL 36:15

Nada padiaronKu be hata-hatahonon ni halak hajorbuton na nibaen ni angka bangso maradopkon ho, jana nada tanggungonmu be incak-incak ni angka bangso jana nada agohononna be bangsomu, ninna Tuhan Debata.’ ”

HOSEA 2:6

Harani i, giot tutuponKu ma dalanna dohot angka suga, jana pajongjongon tembok giot mangurung ia, jadi nada diboto ia be dalanna.

PANGARATAION 32:21

Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.

NEHEMIA 9:17

Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

JEREMIA 1:16

UhumanKu ma bangsongKi patunda ni na mardosa halahi jana dihudukkon halahi Au. Dihaulkon halahi do antong haul tu angka debata na asing, jana dipambaeni halahi patung lalu disomba halahi.

JEREMIA 11:12

Dung i kehe tu angka debata na asing noma halak Juda dohot halak Jerusalem mangido tolong, i ma tu angka debata na nisomba ni halahi marhite na manghaulkon haul. Tapi nangkon na margogo angka debata i paluahon halahi di hamamasa ni parmaraan i.

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JEREMIA 11:17

Au do na pajongjong Israel dohot Juda, Au Tuhan Na Markuaso tapi anggo saonnari madung Husangkapi laho parohon hamamago tu halahi. Halahi sandiri do mangalap-alapi sudena i, patunda ni hasalaan ni halahi; dihaulkon halahi haul tu Baal, hara ni i do umbaen na gabe muruk Au.”