JEREMIA 17:6 - BIBEL JAMITA NA DENGGAN

⁶ Songon suan-suanan do i na tubu di padang-padang i di tano na gariang jana marsira na so jungada do i na denggan didaisa.

JEREMIA 17:6 Referans Kwoze

JOB 20:17

Nada be daionna miak zetun na marlobian, sanga susu dohot aer ni loba na marbahat marusean.

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

JEREMIA 48:6

Didok halahi, ‘Ompoti! Palua hosamu! Lojongi songon halode riar di halongonan!’

JOB 39:6

Hulehen halongonan gabe songon bagasna dohot angka padang na marsira gabe ingananna.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

HAKIM-HAKIM 9:45

Marporang ma si Abimelek manangging sadari i jana dimasuhi ia ma kota i; dibunu ia halak pangisina i, dirumpakkon ia hutana i lalu direrakkon ia sira disi.

JEHESKIEL 47:11

Tapi anggo aek na di ombik-ombik dohot paya-paya na adong sapanjang topi ni laut i nada ra gabe tawar, tapi laing hot do i pambuatan ni sira.

JESAYA 1:30

Malos ma hamu songon hayu na bolon na giot rahar, songon dia kobun na so niaehan.

MASMUR 92:7

halak na so ture simbur do martumbur songon duhut simbur, jana halak na jahat martamba kayo jana sonang; tapi laing abiskonon do halahi sudena,

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.