JEREMIA 17:13 - BIBEL JAMITA NA DENGGAN

¹³ Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 17:13 Referans Kwoze

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

JESAYA 1:28

Tapi sandok na mardosa dohot na mangalo maradopkon Ia, pasidungonNa do i, jana sandok na manadingkon Ia, bunuonNia do i.

LUKAS 10:20

Haru pe songon i, ulang marjop ni roha hamu hara ni na nioloan ni angka tondi na jahat hamu, tapi gumonan ma marjop ni roha hamu hara ni na dung tarsurat goarmunu di banua ginjang.”

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

MASMUR 73:27

Na giot mago do sanga ise na manadingkon Ho, dipatimpas Ho do sanga ise na so setia tu Ho.

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

JEREMIA 2:17

Ho sandiri do mangalapi sude na tarjadi tu ho sandiri, angke dompak Hutogu ho di pardalanan, dihudukkon ho do Au, Tuhan Debatamu.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

BAENON NI ANGKA RASUL 28:20

Hara ni i ma da hamu ale angka dongan, umbaen na hupiohon hamu anso mangkobar-hobari au dohot hamu; harana, tarrante pe au hara ni arop ni roha ni halak Israel i do,” ning ia.

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

JEHESKIEL 36:32

Ingot ma ale Israel, Hubaen pe sasudena i nada hara ni hamu. Angkon ila ma nian rohamunu jana bile pangkilalaanmunu patunda ni pangalahomunu i. Au Tuhan Debata madung mandok songon i.’ ”

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

JEREMIA 17:17

Ulang ma Ho gabe songon songgot-songgot na mambaen mabiar au. Ho do inganan haporusanku muda ro hasusaan.

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

PODA 14:14

Halak na jahat mamutik batu ni hajahatan, halak na denggan mamutik batu ni hadengganan.

PODA 10:7

Marrumang pasupasu do halak na burju diparningotan, tapi halak na jahat ompot do dihalupahon.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

MASMUR 22:4

Mararop roha tu Ho do ompunami, mararop roha halahi, gabe dipalua Ho do halahi.

MASMUR 71:5

Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.

JEREMIA 19:4

Angke madung ditadingkon halahi Au, madung dilehen halahi inganan on tu debata na asing, jana madung manghaulkon haul situtungon halahi tu debata na asing i. Na so tinanda ni ompu ni halahi dohot angka raja ni Juda. Madung dihodari halahi muse inganan on marhite mudar ni halak na so marsala.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEHESKIEL 13:9

UhumanKu ma hamu, ale angka panurirang na pajojorkon alatan gabus dohot na marnipihon angka parnidaan! Na so tola be hamu dohot mambaen haputusan di bagasan angka sidang ni bangsongKu, sesaon noma angka goarmunu sian rayat ni Israel, jana nada mulak be hamu tu bona bulumunu. Jadi gabe botoonmunu ma bahaso Au do Tuhan Debata.’

ZAKARIA 9:12

Mulak ma hamu ale angka halak buangan, saonnari madung adong di hamu harapan. Mulak ma hamu tu inganan parondinganmunu. Di ari sadari on Au mandok: Silompit dua do paulahonKu pasupasungKu tu ho.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

MASMUR 69:29

Hona sosak do au on jana hancitan, angkat ma au ale Debata, jana palua ma au.