JEREMIA 16:6 - BIBEL JAMITA NA DENGGAN

⁶ Marmatean ma halak na kayo dohot halak na pogos di luat on jana nada adong halak na manguburkon halahi. Sahalak pe nada adong na mamparkanciti dirina sanga mancukur uluna songon tanda ni arsak roha ni halahi.

JEREMIA 16:6 Referans Kwoze

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

JEREMIA 47:5

Dondonan ni arsak na godang ma halak Gasa; Askelon manguntam. Sadia honok ulaning halak Pilistin na teba i sai manyaroso?

JEREMIA 41:5

ro ma salapan pulu halak sian Sikem, Silo dohot Samaria. Madung marcukur janggut halahi, masibak pakean ni halahi, jana digariangi pamatangna. Dioban halahi ma gandum dohot hamonyan sihaulkonon di Bagas Ni Tuhan.

HAMALIMON 19:28

Ulang tulduhi huling-kulingmu sanga manggaruti pamatangmu songon tanda hamarsahan hara ni na matean. Au do Tuhan.

JEREMIA 48:37

Madung dicukur halahi sudena obuk na di ulu ni halahi dohot janggutna, tanganna dihoroti, jana mamake abit goni tanda ni arsakna.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 13:13

Jadi dokkon ma tu halahi na giot gohanKu dohot anggur lopus mabuk angka jolma na adong di luat on, angka raja-raja pomparan ni si Daud, angka malim, panurirang dohot sude halak na maringanan di Jerusalem.

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

JESAYA 24:2

Sarupa be do disi bagian ni jolma i sudena – angka malim dohot rayat, hatoban na nitobusan dohot tuanna, panggadis dohot panobusi, parsali dohot parsingir, na kayo dohot na pogos.

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.

AMOS 6:11

Muda mangalehen parenta Tuhan, bagas na menek sanga na godang gabe marsegoan.

MATEUS 9:23

Dung i dipatorus Jesus ma tu bagas ni pamimpin ni bagas paribadatan i. Dung lalu Jesus di bagas i jana diida Ia angka na marsuling jana jolma na gaor,

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

HAMALIMON 19:27

Ulang gunting obuk di topi ni ulumu sanga mancukur janggutmu.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.