JEREMIA 16:18 - BIBEL JAMITA NA DENGGAN

¹⁸ BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JEREMIA 16:18 Referans Kwoze

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.

JEHESKIEL 11:21

Tapi anggo angka halak na sai marhagiot marsomba gana-ganaan na jorbut jana sihagigian i, uhumanKu do i hara ni pangalaho ni halahi.” Songon i ma pandok ni Tuhan Debata i.

JEREMIA 17:18

Sai Ho ma pailahon dohot manggohi biar tu halak na manyompiti ngolungku. Tapi ulang baen tu au songon i ale Tuhan. Paro ma jaya hamagoan tu halahi lopus abis matimpas halahi.

JEREMIA 2:7

Tu tano napu Hutaruhon halahi laho mandai sude suha ni tano i. Hape dipahodar halahi do tanongKi disi diparsayang halahi do sinadonganKi.

JEHESKIEL 11:18

Muda mulak halahi, ambungkonon ni halahi noma sude gana-ganaan sihagigian dohot na jorbut i na nidapot ni halahi.

JEREMIA 3:9

Marhite panggampangannia i dipahodar ia tano i jana markarosuan marhite na manyomba hayu dohot batu.

JESAYA 61:7

Nada be maila sanga dipabile hamu mangulahi; tanomunu i hamu sandiri noma mangingani. Hamoraonmunu marlompit ganda, jop ni rohamunu hot ma salolotna.

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

JESAYA 24:5

Hodar ma tano on patunda ni na nilaosan ni pangisina angka parenta, na manguba aturan jana manggagai janji.

MASMUR 106:38

Dibunu halahi angka halak na so marsala, anak ni halahi sandiri i ma na giot dihaulkon tu debata ni Kanaan, hara ni pamunuon i gabe hodar ma tanona.

HAMALIMON 26:30

RoncohononKu ma inganan parsombaanmunu, angka na di tor, Hurumpakkon angka langgatan inganan panutungan ni hamonyan jana Hupardanggurkon angka bangkemunu tu angka gana-ganaan na marumpak i. Hara ni pangkilalaan na magigi.

JESAYA 65:6

Madung Huputuskon di rohangKu giot mamalos hajahatan ni halahi jana madung tarsurat uhuman ni halahi. Nada ra Au manghalupahon sandok na nibaen ni halahi. Uhumon noma halahi

JEREMIA 7:30

Mambaen hajahatan do halak Juda. Dibaen halahi do angka gana-ganaan ni halahi na Huhagigihon i di bagasan BagasKu, gabe hodar dibaen halahi.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

JEHESKIEL 5:11

Dibaen i, songon sintongna mangolu Au, ninna Tuhan Debata: Hara ni na dung dipahodar ho inganan na badiangKu marhite sude pambaenanmu na jahat jana sihagigian i, roncohononKu ma ho nada adong ampunna.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

JESAYA 65:7

hara ni angka dosa ni halahi dohot dosa ni ompu ni halahi. Ninna Tuhan, “Dipabile halahi do Au marhite na manutung hamonyan di inganan parsombaan tu angka debata di dolok, jana dilayasi Au. UhumanKu do halahi marguru tu pangalaho ni halahi na salpu i.”

JEHESKIEL 36:18

Jadi Huduruskon ma murukKu tu halahi hara ni bahatna pamunuon dibaen halahi di tano i jana dipahodar halahi do i marhite gana-ganaan ni halahi.