JEREMIA 15:19 - BIBEL JAMITA NA DENGGAN

¹⁹ Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

JEREMIA 15:19 Referans Kwoze

ZAKARIA 3:7

“Muda dioloi ho angka aturanKu jana didalankon ho angka karejo na Hulehen tu ho, jadi bolas ma ho gabe pamimpin tu pudi on di bagasan BagasKu dohot mangurus alamanna i. TangihononKu ma angka tangiangmu, songon panangihonKu di angka tangiang ni angka surusuruan na donok tu lambungKu.

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

HAMALIMON 10:10

Angkon diboto ho haasingan ni sanga aha na dung ditontuhon tu Debata, sanga aha tu halak na bahat, antara ni na so ramun tu na ramun.

JEHESKIEL 44:23

Angkon ajarkonon ni angka malim do tu bangsongKu sanga dia angka na ditontuhon gabe hapunjunganKu dohot na so hapunjunganku, dia na ias mangihutkon ugamo dohot na hodar.

JEHESKIEL 22:26

Dilaosi angka malim ni Israel do tona na sian Au, jana ramun dibaen halahi angka barang-barang na dung dibaen hapunjunganKu. Nada adong dibaen halahi parkotian ni na dung dihapunjungkon tu Au dohot na asing sian i. Boti muse nada diajari halahi rayat i laho paasingkon sanga dia na ias dohot na so ias mangihutkon aturan ni ugamo. Nada dipardulihon halahi Ari Sabat. Jadi songon i ma gabe marlayas Au dibaen bangso Israel.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

LUKAS 12:12

angke ajaran ni Tondi Parbadia do hamu sanga aha sidokkononmunu di hatiha i.”

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

GALATIA 2:5

tapi nada ra hami mundur jana tunduk santongkin pe tu halahi, harana hami jago do anso polin Jamita Na Denggan i di hamu.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

JUNUS 3:2

Didok Ia ma, “Kehe ma ho tu Ninive, kota na godang i, jana palalu ma tu pangisi ni kota i tona na Hulehen tu ho.”

JEREMIA 4:1

Didok Tuhan, “O halak Israel, muda ra hamu mulak mangulahi, antong mulak ma hamu. Jolo parambungkon hamu ma angka gana-ganaan na Huhagigihon i, jana setia ma hamu tu Au,

JEREMIA 6:29

Madung nian sun milas ni pandakdak, hape laing so ra do malala jana mago logam na so marguna. Nada adong gunana sai torus diuji bangsongKi laho papitahon angke nada dipasiding angka halakna na jahat i.

JEREMIA 35:19

Jadi hara ni i, Au Tuhan Na Markuaso, Debata ni Israel, marjanji Au bahaso sian pomparan ni si Jonadab anak ni si Rekhab, angkon sai adong do halaklahi na mangoloi Au salolotna.”

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”

HAMALIMON 14:57

Hasaya ni angka paraturan on laho manontuhon, na ramun sanga na ias mangihutkon ugamo.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.