JEREMIA 15:17 - BIBEL JAMITA NA DENGGAN

¹⁷ Sai giot oloanku do Ho, jadi hara ni i nada hupasayang hatihangku dohot-dohotan martata-tata jana margonjak-gonjak rap dohot angka jolma, tapi mamunjung do au mardongan pangkilalaan na muruk.

JEREMIA 15:17 Referans Kwoze

ANDUNG 3:28

Dompak dilehen Tuhan parkancitan, juguk ma sugari hita hohom sasada iba.

MASMUR 1:1

Martua ma halak na so manangihon sipaingot ni halak parjahat, na so maniru jolma pardosa, jana na so mardongan dohot halak na pabile Debata,

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

MASMUR 102:7

Nada tarpodom mataniba, songon unggas na lungunan di bungkulan ni bagas.

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

JEREMIA 16:8

Ulang ho masuk tu bagas ni halak na topet marpesta. Ulang ho mangan sanga minum dohot halahi.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”