JEREMIA 14:8 - BIBEL JAMITA NA DENGGAN

⁸ Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JEREMIA 14:8 Referans Kwoze

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JESAYA 43:3

Angke Au do Tuhan, Debatamu. Debata Na Badia ni Israel, Sipaluamu. Hulehen Mesir gabe partobusmu, Sudan dohot Seba baen gontimu.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

JESAYA 43:11

Au sandiri ma da Tuhan, asing sian Au nada adong na gabe haluaan.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

BAENON NI ANGKA RASUL 28:20

Hara ni i ma da hamu ale angka dongan, umbaen na hupiohon hamu anso mangkobar-hobari au dohot hamu; harana, tarrante pe au hara ni arop ni roha ni halak Israel i do,” ning ia.

JESAYA 45:15

Debata na paluahon Israel bangsoNia i, i ma Debata na pasimohon diri.

MASMUR 138:7

Dompak ro siarsakkonon tu iba, dijago Ho do au anso tongtong sonang. Dialo Ho do musungku na gasa-gasaon jana dipalua Ho do au marhite kuasoMu.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 9:9

Tuhan do parondingan ni halak na nidondonan, inganan parlojongan di hatiha hasusaan.

MASMUR 10:1

Biasi songon i daoMu o Tuhan, jana martabuni Ho taran hami di hasusaan?

HAKIM-HAKIM 19:17

Di na niida ni na tobang-tobang i halak Levi i di alaman godang i, marsapa ma ia, “Na sian dia do hamu dongan, jana na giot tu dia do?”

MASMUR 71:5

Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

ZAKARIA 9:12

Mulak ma hamu ale angka halak buangan, saonnari madung adong di hamu harapan. Mulak ma hamu tu inganan parondinganmunu. Di ari sadari on Au mandok: Silompit dua do paulahonKu pasupasungKu tu ho.

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.