JEREMIA 14:12 - BIBEL JAMITA NA DENGGAN

¹² Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

JEREMIA 14:12 Referans Kwoze

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JEREMIA 11:11

Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

JEHESKIEL 14:21

Didok Tuhan Debata i: “DabuhononKu ma uhuman na jumorbut tu kota Jerusalem laho mamusa jolma bope pahan-pahanan. Uhuman i, i ma: Porang, tangkuraparon, binatang panyoro dohot nyae.

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

JESAYA 58:3

Disapai bangso i do, “Aha gunana puaso hita anggo na so niida ni Debata! Aha gunana tapaserep rohanta, anggo na so diparrohahon Ia do?” Ninna Tuhan, “Satutuna muda hatiha puaso hamu, na marsijalahi untungna be do hamu jana mamoro sian angka halak na niupaanmunu.

PODA 28:9

Muda nada oloanmu uhum, tangiangmu pe sihagigian do.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

HALUMBAAN 6:8

Hupamanat ma, gabe haidaan ma sada kudo na langan tompana, Hamatean do goar ni na manengget i. Dipaihut-ihut Harajaan Hamatean ma ia donok sian pudi. Dipasahat ma saparopat ni tano on tu kuaso ni halahi, anso tarbaen halahi mamunu markite-hite porang, hamamasa ni haleon, markite-hite nyae dohot markite-hite angka binatang panyoro na di tano on.

JOB 27:9

Tangihonon ni Debata ma he tangis ni halahi di hamamasa ni hasusaan mandondoni?

JEREMIA 8:13

“Por sajo do nian rohangKu palagutkon bangsongKu songon halak na palagutkon suha ni tanona; hape songon bona ni anggur dohot bona ni hayu ara na so marbatu do bangsongKu; dohot bulungna pe tehe ma pola marmalosan. Hara ni i ma umbaen na Hupaloas halak na leban ro jana mangarajai luat ni halahi.”

JEREMIA 21:6

BunuonKu ma halak na mangingani kota on; bope jolma sanga binatang marmatean ma baenon ni nyae masa na jorbut.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEHESKIEL 14:19

Bolas jadi Huparo nyae masa tu luat i, jana palalu hosom au tu halahi lopus abis jolma sanga pahan-pahanan.

HOSEA 5:6

Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

AMOS 5:21

Didok Tuhan ma, “Goyak do rohangKu jana magigi Au mida angka pesta ni ugamomunu!

MALEAKI 1:10

Didok Tuhan Na Markuaso i ma, “Sugari adong ma nian sian tonga-tongamunu, na giot manutup pintu, anso unang dipagara hamu api di langgatanKu di bagasan na so marguna. Nada jop rohangKu tu hamu, ninna Tuhan Na Markuaso jana nada jagitonKu haul sian tanganmu.

MALEAKI 2:13

On ma parbuatanmunu deba nari. Dilonong hamu do langgatan ni Tuhan dohot ilu ni mata, tangis do hamu jana mangandungi patunda ni na so ra be Tuhan manjagit angka haulmunu.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.