JEREMIA 13:13 - BIBEL JAMITA NA DENGGAN

¹³ Jadi dokkon ma tu halahi na giot gohanKu dohot anggur lopus mabuk angka jolma na adong di luat on, angka raja-raja pomparan ni si Daud, angka malim, panurirang dohot sude halak na maringanan di Jerusalem.

JEREMIA 13:13 Referans Kwoze

JESAYA 63:6

Di rimas ni rohangku na jorbut i Hulonca-lonca angka jolma i. Hugopu halahi lopus malantuk, mamincar mudarna i sap tu tano.”

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

MASMUR 75:8

Songon sada piala di tanganNia do hamuruhan ni Tuhan piala na marisi anggur na koras. Diduruskon Ia ma isi ni piala i sude ma parjahat na di tano on angkon manginumsa lopus abis.

MASMUR 60:3

Dipadiar Ho do hami bangsoMon marnyae na so tartaon, songon halak na mabuk hami marambalan.

HABAKUK 2:16

Saonnari geleranmu noma pailaon, jana nada na giot dipasangap. Muba ma hasangapanmu gabe habilean. Paksaon ni Tuhan noma ho minum sian panginuman na marisi uhuman. Minum ma ho lopus mabuk jana lenong-lenong.

JEREMIA 51:7

Tudos do Babel dohot piala sian sere na Hutiop jana na mambaen mabuk sude portibi on. Marminuman angka bangso sian panginuman i lopus rintik be halahi.

JEREMIA 25:27

Dung i didok Tuhan ma tu au, “Dokkon ma tu angka jolma i, bahaso Au Tuhan Na Markuaso, Debata ni Israel, marsuru halahi minum lopus mabuk jana muta-uta. Hubaen halahi tinggang jana nada lobassa be jongjong hara ni parporangan na Huparo tu halahi.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

JESAYA 51:21

Hara ni i, tangihon ma on, ale ho na diparhanciti, ale ho na mabuk tapi nada hara ni anggur!

JESAYA 29:9

Longang-longang ma hamu, gok hahomangan, padiar ma parnidaanmu tartutup, mapitung sajo! Mabuk mada hamu, tapi nada hara ni na minum anggur, lenong mada hamu, tapi nada hara ni na minum tuak.

JEREMIA 13:12

Didok Tuhan Debata ma tu au, “O Jeremia, palalu ma jolo tonangkon tu halak Israel, na paboahon angkon ganop gunci inganan ni anggur angkon diisi bubung dohot anggur. Alusan ni halahi ma, ‘Pola ma he na so hami boto angkon nigohan ganop gunci dohot anggur?’

JEREMIA 25:29

PungkaonKu ma na mangaroncohon i sian kotangKi sandiri. Ulang jabat diambang halahi na so hona uhum be halahi. Angkon hona halahi, angke pamasaonKu ma porang tu sude bangso na adong di sandok portibi on. Au Tuhan, madung mandok songon i.”