JEREMIA 12:4 - BIBEL JAMITA NA DENGGAN

⁴ Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 12:4 Referans Kwoze

JEREMIA 9:10

Au si Jeremia, hudok ma, “Tangis ma au jana marsak hara ni padang dohot angka dolok na dung mahiang mangkarogang boti nada dibolus-bolus halak. Nada habegean be sora ni pahan-pahanan, marlojongi sude unggas dohot sude pahan-pahanan.”

JEREMIA 4:25

Huida nada adong jolma, unggas pe madung marhabangan sudena.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

SURAT NI SI PAULUS TU PARLAGUTAN ROM 8:22

Taboto do, lopus tu hatiha on, rap manaon do na nitompa i hara ni pardangolanna, songon ina na manaon na hancit di na giot sorang dakdanakna.

HOSEA 4:3

Jadi hara ni i gabe mahiang ma luat on, jana mate noma sandok na mangolu disi. Susa ma sude ragam ni binatang na di awang-awang, na di darat dohot na di laut.”

JEREMIA 23:10

Gok luatta on dohot jolma na markarosuan. Jahat do parngoluon ni halahi jana disalagunahon halahi do jabatanna. Hara ni bura i gabe malos ma ruput na di padang-padang jana sude luat on marhamarsahan.

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

HABAKUK 3:17

Haru pe nada marbatu bona ni ara jana bona ni anggur pe soada batuna, haru pe nada mandapot zetun di pambuatna dohot gandum di ladang nada marsuha, haru pe biri-biri marmatean sudena, jana nada marisi pahan-pahanan be barana.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 5:13

Etong ma angka panurirang i songon alogo, angke nada adong tona ni Tuhan di halahi.” Dung i didok Tuhan Debata Na Markuaso i ma tu au, “Hara ni na songon i didok angka jolma i, baenonKu ma hatangKu songon api di bagasan pamanganmu. Gabe songon soban ma bangso on, jana tutungon ni api i ma halahi lopus abis.”

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

JEREMIA 12:11

Olo, madung Huida halahi mambaen tanongKu inganan na lungun di adopanKu. Madung buang sudena jana nada adong be na marningot.

JOEL 1:18

Marngiak pahan-pahanan; jana gaor angka lombu angke nada adong be ruput pajampalanna; songon i dohot biri-biri gabe tarsonggot.

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

JESAYA 24:4

Mahiang ma tano on jana malos, marhancit sude portibi on. Rap marhancit ma langit dohot tano on.

JESAYA 24:6

I ma dalanna umbaen diburai tano on jana diuhumi pangisina hara ni pangalaho ni halahi. Dipurun ma halahi jana hum saotik nari noma sian halahi na malua.

JEREMIA 9:9

Patut ma he nada Hudabuhon uhum tu halak na songon i? Patut ma he nada baloskononKu i? Tu bangsongKi songon i ma didokkon Tuhan!”