JEREMIA 11:4 - BIBEL JAMITA NA DENGGAN

⁴ Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 11:4 Referans Kwoze

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

HAMALIMON 26:12

Rap do Au dohot hamu, Au do gabe Debatamunu jana hamu gabe bangsongKu.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”

JEREMIA 24:7

LehenonKu ma tu halahi por ni roha laho mamboto bahaso Au do Tuhan. Jadi gabe bangsongKu ma halahi, jana Au gabe Debata ni halahi, angke mulak do halahi tu Au sian sandok rohana.

1 RAJA-RAJA 8:51

BangsoMu sandiri do halahi na dung niobanMu haruar sian Mesir na songon naroko i.”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

JEHESKIEL 37:23

Nada be pahodaron ni halahi dirina dohot dosa dohot na manyomba angka gana-ganaan sihagigian. PaluaonKu ma halahi sian sude hahodaron na mambaen halahi marbalik tu Au. Ias ma baenonKu halahi; gabe bangsongKu ma halahi, jana Au Debata ni halahi.

JEHESKIEL 36:28

Jadi maringanan ma hamu di tano na dung Hulehen di ompungmunu. Gabe bangsongKu ma hamu jana gabe Debatamunu ma Au.

JEHESKIEL 14:11

Hubaen pe sudena i, anso ulang mandao be nian halak Israel sian Au jana ulang be nian dipahodar halahi dirina markite-hite dosa. Jadi muda dung songon i, gabe bangsongKu ma halahi, jana Au gabe Debata ni halahi.” Au Tuhan Debata madung mandok songon i.

JEHESKIEL 11:20

Jadi oloan ni halahi ma angka aturanKu jana haburjuhononna mangihutkon sandok parentangKu. Gabe bangsongKu ma halahi jana Au gabe Debata ni halahi.

JEREMIA 26:13

Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

PANGARATAION 11:27

Dipasupasu ma hamu muda dioloi hamu angka parenta ni Tuhan Debatamunu na hulehen di hamu di ari sadari on,

HAMALIMON 26:3

Muda marpungu hamu mangihutkon angka aturan na sian Au jana dipatulus angka parentangKu,

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

ZAKARIA 6:15

Marroan be ma angka halak sian na dao jana urupanna ma pajongjong Bagas Ni Tuhan. Muda dung sidung dibangun Bagas Ni Tuhan, botoonmunu ma bahaso Tuhan Na Markuaso i do na marsuru au mandapotkon hamu. Tulus ma sudena i muda tutu situtu dioloi halahi angka parenta na sian Au Tuhan Debata ni halahi.”

JEHESKIEL 37:27

Rap ma Au dohot halahi, Au noma gabe Debata ni halahi jana halahi gabe bangsongKu.

JEREMIA 32:28

PadiaronKu do kota on madabu tu tangan ni si Nebukadnesar raja Babel i dohot paranganna. Taluhonon ni halahi noma kota on,

JESAYA 48:10

Satutuna madung Hupaias ho, tapi nada songon perak, jana madung Huuji ho marhite hasusaan.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.

HARURUAR 20:6

Tapi patidahononKu do holong ni rohangKu maradopkon marribu-ribu halak; i ma na mangkaholongi Au jana na mangoloi parentangKu.

JESAYA 30:6

Songon on ma tona ni Debata salaho tu angka binatang na maringanan di padang halongonan na di Selatan: “Bobanan ni angka suruan i ma halode dohot unto ni halahi dohot angka silua, dung i boluson ni halahi ma luat na gok parmaraan, na niinganan ni singa, ulok na bisa dohot naga na marhabong. Dipasahat halahi ma angka silua i tu sada bangso na so lobassa mangurupi halahi.

JEREMIA 11:7

Dompak na Huoban ompu ni halahi ruar sian Mesir, torang do Hupaingot tu halahi anso marpangoloion tu Au. Lopus tu sadari on laing marpupu dope Hupaingot bangsongKi salaho tu pangalaho i,

JEREMIA 38:20

“Nada,” ningku mangalusi, “Nada pasahatonna raja i tu halahi. Gomos ma pangidoanku anso dioloi raja i ma nian tona ni Tuhan on; sidung do sudena i muse, jana nada hona bunu be raja i.

DANIEL 3:26

Dung i dipadonok si Nebukadnesar ma tu lambung ni pintu ni purunan i jana pio-pio ma ia: “Jo Sadrakh, Mesakh dohot Abednego, angka naposo ni Debata Na Gumincat! Ruar ma hamu sian purunan i!” Jadi haruar ma halahi.

PANGARATAION 5:6

Ninna Debata ma, ‘Au do Tuhan Debatamu, na maroban hamu ruar sian tano Mesir, sian inganan parhatobanan i.

2 RAJA-RAJA 18:6

jana burju do ia tu Tuhan i. Nada unjung dialo ia Tuhan, sandok parenta ni Tuhan na nilehenNa marhite si Musa, disitutui si Hiskia do mangoloi sudena i.