JEREMIA 11:16 - BIBEL JAMITA NA DENGGAN

¹⁶ Jungada do Hugoari halahi bona ni zetun na rumbun, gok parbatuna na jeges. Hape anggo saonnari marhite sora na mangaronggur giot tipulkononKu ma sude rantingna i jana Hututungi angka bulungna i.

JEREMIA 11:16 Referans Kwoze

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

MASMUR 52:8

Hape anggo au tarsongon bona ni zetun na rata do di bagasan Bagas Ni Debata. Huhaporsayai do holong ni rohaNia na manongtong i ro di salolot-lolotna.

MASMUR 80:16

Ma pola ditaba jana ditutung musu i muruhi ma anso mago halahi.

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.

MATEUS 3:10

Madung singkop kampak laho manaba hayu di uratna i. Sude hayu na so denggan parbatuna, sitabaon ma i, jana niambungkon tu api.

JEREMIA 21:14

Tapi uhumanKu ma ho patunda ni parbuatanmu. SurbuonKu ma bagas godangmi, jana puntung muse ma sandok na adong di Humaliangna. Au Tuhan, madung mandok songon i.”

MASMUR 83:2

Ligi ma, sai manggaori angka musu, angka na margoyak ni roha di Ho mangalo.

HALUMBAAN 11:4

Anggo saksi na dua i, i ma duakambona hayu zetun dohot dua parlampuan na adong di jolo ni Tuhan ni sude na nitompa on.

PANGARATAION 28:40

Martubuan do angka bona ni zetun di luatmunu, hape marurus do batuna i, gabe nada adong dapot ho miak ni zetun i.

JOB 8:16

Songon ri di padang, songon i do da halak na so marTuhan, muda hona sidumadang ari, manjarampak ia manggohi parladangan.

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

HOSEA 14:6

Di halak Israel songon ombun do Au na mangaehi tano na harsang. Mangerbang ma halahi songon bunga jana songon bona ni tusam na bagas uratna.

MASMUR 80:17

Ondihon ma sanga ise na dung nitodoMu, anak ni jolma na nipahotMu baen di Ho.

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.