JEREMIA 10:8 - BIBEL JAMITA NA DENGGAN

⁸ Sude halahi oto jana bodo angke sombaonna hum hayu sajo do, nada tarajarkonsa na marguna.

JEREMIA 10:8 Referans Kwoze

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

JEREMIA 10:14

Marnida sudena i, mamoto ma jolma, na oto do hape ia jana na soada hapistaranna. Maila ma angka na mambaen patung angke na so marguna jana na so marhosa do gana-ganaan na nipaulina.

HABAKUK 2:18

Aha ma he guna ni patung gana-ganaan? Aha ma he guna ni patung gana-ganaan sibaen gabus i? Harana porsaya do na mambaenna di parkarejoanna, hape nian angka gana-ganaan na ngungu do na nibaenna i.

JESAYA 44:19

Nada jabat lalu dipikiri sibaen patung i, “Na marsomba tu sangkimpal hayu do au. Deba sian hayu i hututung jana arangna i hupake baen manutung roti dohot mamanggang juhut sipanganonku. Na deba nari i ma hubaen patung. Jadi saonnari na marsomba tu samponggol hayu do au!”

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

MASMUR 135:18

Sai songon i ma nian bagian ni angka jolma na mambaensa dohot angka na manghaporsayaisa.

MASMUR 115:8

Sai songon i ma nian bagian ni na paturehonsa, maradu sude angka halak na manghaporsayaisa.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

JESAYA 44:18

Na santak do oto ni angka jolma na songon i. Na nitutup ni halahi do mata dohot roha ni halahi gabe nada diastui halahi sanga na aha.

JEREMIA 3:9

Marhite panggampangannia i dipahodar ia tano i jana markarosuan marhite na manyomba hayu dohot batu.

JEREMIA 5:4

Gabe ning rohangku di bagasan, “Iale tehe, halak na menek do halak on, na so umboto bagi aha. Na bodo do pambaenan ni halahi, angke nada diastui halahi na nipangido ni Tuhan Debata ni halahi.

JUNUS 2:8

Angka na manyomba gana-ganaan na so marguna, ditadingkon do Ho jana nada be setia.