JEREMIA 10:10 - BIBEL JAMITA NA DENGGAN

¹⁰ Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

JEREMIA 10:10 Referans Kwoze

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

MASMUR 42:2

Malungun au di Ho, ale Debata na mangolu, andigan do tola au marsomba di BagasMu?

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

MASMUR 31:5

Hupasahat tu bagasan tanganMu ma tondingku, o ale Tuhan Debata na burju, na paluahon au.

MASMUR 10:16

Tuhan do raja ro di salolotna; angka bangso na so mananda Ia angkon mago sian tano na nilehenNia.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

IBRANI 10:31

Na jorbut situtu do muda madabu hita tu tangan ni Debata Na Mangolu i!

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

1 TESSALONIKA 1:9

Halahi sandiri do mamaritahon sanga na bia panjagitmunu di hami dompak na ro i hami manopot hamu. Dicaritohon halahi do sanga na bia panadingkonmunu di angka gana-ganaanmunu dohot haroromunu mandapotkon Debata na mangolu jana na tutu i laho marsomba tuSia.

BAENON NI ANGKA RASUL 14:15

“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.

MALEAKI 3:2

Tapi ise ma he na tahan di ari haroroNa i? Jana ise ma na tahan jongjong hatiha dipataridahon Ia diriNa? Angke songon api ni panopa do Ia, jana songon sabun ni panyabun.

HABAKUK 3:6

Muda jongjong Ho, humutur ma tano; muda manatap Ho, humitir ma angka bangso. Mangkahoping ma angka dolok sian najolo; angka tor sian narobi gabe marondo, di angka tanggurung ni tor i ma mardalani Ho di hatiha na robi.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

MASMUR 146:6

Ia do na manompa langit, tano dohot laut maradu isina, na tontong setia ro di salolot ni lolotna.

MASMUR 145:13

Hot do harajaanMu sapanjangna, ro di salolot-lolotna do martahan kuasoMu. O Tuhan, setia do Ho di sude janjiMu, na denggan ma da tutu sude pambaenanMu.

MASMUR 114:7

Ale portibi, humutur ma di adopan ni Tuhan di adopan ni Debata ni si Jakob.

MASMUR 104:32

Ditatap Ia tu tano on jana humitir ma i dibaen Ia, digoit Ia angka dolok gabe ruar ma timusna.

MASMUR 97:4

Ditorangi hilapNa i portibi on, humitir tano on marnidasa.

MASMUR 93:2

Sian mulana do habangsaMu tohong, sian na manongtong do Ho adong.

MASMUR 90:11

Ise unjung manghilalahon hasogenon ni rimasMu? Ise umboto akibat ni murukMu?

MASMUR 84:2

Sai na malungun situtu do rohangku mida ingananMu; sai marsurak do pamatang dohot tondingku pio-pio tu Debata na mangolu.

MASMUR 77:18

Hilap pe margurasai, ronggur pe mardotur tano pe mangalalo jana humutur.

JOB 9:6

Dibaen Ia lalo lopus gumuncang portibi, jana marambalangan ma panungkol ni tano i.

2 JUJUR TAON 15:3

Lolot sajo do na so mangoloi Israel tu Debata na tutu, nada maruli pangajaran sian angka malim na laho mangajari halahi, jana nada tunduk tu angka uhum.

1 RAJA-RAJA 18:39

Disi diida rayat i pangalaho i, tungkap ma halahi tu tano lalu didok halahi ma, “Tuhan do Debata; Tuhan i do na tutu Debata!”

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

HAKIM-HAKIM 5:4

Tuhan, di na mardalan Ho ruar sian Seir, dohot Luat Edom ditadingkon Ho, humotar portibi. Angka bubusan ni langit pe marbuka, jana diduruskon angka ombun ma aekna.

PANGARATAION 5:26

Adong ma he jungada halak na laing mangolu songon hami dung dibegesa Debata na mangolu i mangkuling sian api?

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 4:3

Halongangan situtu ma da tanda na nibaenNia! Hahomangan godang do di roha na nipatupaNia! Mamarenta salolot-lolotna do Debata! Markuaso do Ia sapanjangna.”

JEREMIA 23:36

Nada tola be pakeon ni halahi pandohan ‘boban ni Tuhan’. Muda adong dope na mamake hata i, angkon baenonKu tonangKi gabe boban na tutu tusia. Madung dipabalik-balik halak Israel hata na Hudok, Au Debata ni halahi, Debata na mangolu, Tuhan Na Markuaso.

JESAYA 37:17

Ale Tuhan, sugari nian diparrohahon Ho ma sanga aha na tarjadi on tu hami. Tangihon ma sude pangalayasi ni si Sanherib maradopkon Ho, ale Debata na mangolu.

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

MASMUR 68:11

Dibaen Tuhan ma tanda panggora, jadi dioban angka dadaboru ma barita:

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

1 RAJA-RAJA 8:60

Marhite na songon i gabe sude ma bangso na di tano on umboto, hum Tuhan i sajo do Debata – nada adong na asing.

MASMUR 29:10

Guru di kuaso ni Tuhan do aek na oto, jana Ia do na mamarenta salolot-lolotna, Ia do.

MASMUR 68:8

humutur do tano on, diduruskon langit i do udan; di joloMu ale Debata; humutur do Sinai di jolo ni Debata, Debata ni Israel.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

JESAYA 40:15

Anggo satutuna angka bangso, songon santetek aek do i di bagasan timba; songon sangkibung abu di timbangan. Anggo satutuna songon abuan do borat ni angka pulo.

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

JEREMIA 4:24

Hutailihon angka dolok na gincat munggal-unggal maradu gogo.

JEREMIA 50:46

Muda madabu Babel, tarbege ma hagaoron na lobi gogo jabat humutur portibi on; begeon ni angka bangso na asing ma angguk ni halahi.”

JEREMIA 51:29

Humutur jana manggulsak ma tano hara ni na Hudalankon sangkapKu laho mambaen Babel gabe inganan na harsang na so diingani jolma.

JOSUA 3:10

Jadi muda mardalan hamu naron, pasti do paoroton ni Tuhan angka halak Kanaan, Het, Hewi, Peris, Girgasi, Amori dohot halak Jebus. Idaonmunu ma bahaso na di tonga-tongamunu do Debata na mangolu i,

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

MASMUR 9:8

Mardongan hatigoran diparenta Ia angka bangso i, dohot hasintongan diuhumi Ia halahi.

MASMUR 74:12

Sian mulana laing na Ho do rajanami ale Debata, mulak-ulak do, ale Debata, dipalua Ho hami.

MASMUR 76:8

Dipatubegehon Ho sian langit haputusanMu; mangkohom noma portibi on jana heput,

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.