JEHESKIEL 5:3 - BIBEL JAMITA NA DENGGAN

³ Tadingkon ma saotik obuk i, jana saputi ma i di pangalompitan ni baju jubami.

JEHESKIEL 5:3 Referans Kwoze

JEREMIA 52:16

Tapi deba sian rayat na umpogos jana na so mararta ditadingkon ia do i di Juda, jana disuru ia ma i mangkarejohon kobun anggur dohot angka ladang.

JEREMIA 40:6

Kehe ma au tu si Gedalya di Mispa jana maringanan ma au disi rap dohot ia di tonga-tonga ni rayat na ditadingkon i di tano Juda.

JEREMIA 39:10

Deba sian rayat i angka na umpogos na so marsinadongan ditadingkon ia ma i di Juda, dilehen ia kobun anggur dohot ladang.

1 PETRUS 4:18

Tarsurat do di Buku Na Badia i songon on, “Jadi muda maol do angka halak na denggan i paluaon, bia muse noma ulaning na masa tu angka halak pardosa na so mananda Tuhan i!”

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

2 RAJA-RAJA 25:12

Tapi deba sian jolma na pogos-pogos ditadingkon ia do jana disuru ia mangkarejohon kobun anggur dohot angka ladang.

JEHESKIEL 5:2

Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.

JEHESKIEL 5:4

Dung i buat ma saotik nari obuk i, ambungkon ma i tu bagasan api jana padiar ma mosok. Sian i ma api mangararati tu sude bangso Israel.”