JEHESKIEL 3:3 - BIBEL JAMITA NA DENGGAN

³ Didok Ia ma, “Ale jolma parsantongkinan, pangan ma i! Pamasuk ma balunan ni karotes on tu butuhamu.” Jadi hupangan ma karotes i jana tonggi do daina songon aer ni loba.

JEHESKIEL 3:3 Referans Kwoze

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

MASMUR 119:103

Tonggina i antong baga-baga na nidokMu tumonggi do i sian manisan di pamangan.

MASMUR 19:10

Ummarga sian sere na polin do Tona Ni Tuhan tumonggi do i sian manisan.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

MASMUR 119:97

Holong sajo do rohangku mida TonaMu, jana sai hupasari-sari do i sasadari.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

JOHANNES 7:38

Tarsurat do di Buku Na Badia i songon on, ‘Sanga ise na porsaya di Au, mabaor do angka batang aek na mangalehen ngolu sian bagasan rohana.’ ” (

JEHESKIEL 2:10

na marsurat angkup bariba. Dung i dibuka ia ma balunan i jana tarsurat do disi andung, holos dohot angguk-angguk.

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

JEHESKIEL 2:8

“Ale jolma parsantongkinan, tangihon ma sanga aha na Hudok tu ho. Ulang dohot muse ho mangalo. Pangangang ma pamanganmi, jana pangan ma sanga aha na Hulehen di ho.”

JEHESKIEL 3:4

Didok Ia ma mangulahi, “Ale jolma parsantongkinan, kehe ma ho mandapotkon angka halak Israel jana palalu ma sude na Hutonahon tu halahi.

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.