JEHESKIEL 1:16 - BIBEL JAMITA NA DENGGAN

¹⁶ Sarupa do roda i jana marlinu do i songon batu intan jana adong be do sada rodana na asing di tonga-tongana i.

JEHESKIEL 1:16 Referans Kwoze

DANIEL 10:6

Marsinondang do pamatangna songon simata, bohina i songon torang ni sondang ni hilap, jana matana i gara-gara songon api. Tanganna dohot patna marsilo songon tumbaga na digosok, jana sorana tudos tu sora ni halak na ribur nibege.

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 36:6

HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

JOB 9:10

Nada haastuan iba sude pambaenanNa nada tarrajum angka hahomanganNia.

HARURUAR 39:13

jana di baris paopatkon: batu pirus, jakut dohot ratna. Marbingke sere do sudena i dibaen.

ENDE NA GODANG 5:14

Lagak ni tanganna i songon tintin sere na marhias dohot mata intan. Pamatangna songon tongam ni gading na marhumala.

1 RAJA-RAJA 7:33

Anggo angka rodana i suman do tu roda ni kareta porang; lilit ni roda, jari-jari sumbu bope pardomuan ni jari-jari ni roda i sude dibaen sian tumbaga do.

DANIEL 7:9

Di na torus au mangaligi, dihobasi ma sanga na piga habangsa. Jadi juguk ma ia Na Tongtong Mangolu i di sada sian angka habangsa i. PakeanNia dohot obukNia ias sajo mamontar songon hapas, gara-gara do habangsa i dohot angka rodana i hara ni jilam ni api.