JAKOBUS 4:9 - BIBEL JAMITA NA DENGGAN

⁹ Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!

JAKOBUS 4:9 Referans Kwoze

MATEUS 5:4

Martua ma halak na marsak roha; angke na giot apoan do roha ni halahi.

PODA 14:13

Di balik ni partataan betak adong do partangisan; sai intean do arsak muda dung sidung hamogaan.

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.

MASMUR 119:67

Na jolo somal do au manyimbil, dung diuhumi Ho, hutiop janjiMi.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

JEHESKIEL 7:16

Malua do nian deba jana maporus ma i tu partoran songon darapati na nihabur sian rura. Mangangguhi be ma i hara ni angka dosa ni halahi.

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

JOB 30:31

Na jolo hubege do musik jop ni roha, hape saonnari hum andung tumatangis sajo noma.

LUKAS 6:21

Martua ma hamu na male saonnari, harana pabutongon ma hamu muse! Martua ma hamu angka na tangis saonnari, harana gabe martata ma hamu muse!

ANDUNG 5:15

Ma pola mago hatuaannami; muba do tortor gabe siluluton di hami.

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

PARJAMITA 2:2

Taringot tu na martata, au mandok, “Haotoon do i,” jana taringot tu jop ni roha, “Aha ma guna ni i?”

MASMUR 119:71

Tutu denggan do i angke Ho do manguhumi au, anso hutanda angka hatontuan na nibaenMu.

MASMUR 119:136

Mabaor ilungku songon batang aek, hara ni TonaMu na so dipatulus.

NEHEMIA 8:9

Umbege Uhum na disise i, gok ma roha ni rayat i lalu martangisan halahi. Jadi gabe didok Gubernur Nehemia ma dohot Malim Esra Ahli Uhum i, maradu angka halak Levi na patorangkon Uhum i tu sude rayat i songon on, “Ari hapunjungan do ari sadari on di Tuhan Debatamu, jadi ulang hamu marsak sanga tangis.

MATEUS 21:41

Dialusi halahi ma, “Tontu bunuonnia ma sude angka parjahat i, dung i tu halak na asing noma dipabolahon ia kobun anggurnia i. Tu halak na ra mangalehen bolaan ni tano i tusia muda dapot hatihana,” ning halahi.