JAKOBUS 4:14 - BIBEL JAMITA NA DENGGAN

¹⁴ hape nada diboto hamu sanga aha na giot masa ancogot di ngolumunu. Aha ma he hosamunu i? Na songon timus sajo do ho, tarida santongkin sajo, dung i manigor mago.”

JAKOBUS 4:14 Referans Kwoze

1 PETRUS 1:24

Tarsurat do di Buku Na Badia i songon on, “Tarsongon duhut-duhut do sude jolma, jana songon bunga ni duhut i do hasangapanna. Malos ma duhut i, marurus muse ma bungana i;

MASMUR 39:5

Pendek na i hape ditontuhon Ho umurku! Nada adong arti ni lolot ni ngolungki di adopanMu. Tontu ma da, hum songon sangombus hosa do jolma,

1 JOHANNES 2:17

Na giot mago do portibi on bope sasudena na adong di bagasanna na nihalungunkon ni jolma. Tapi anggo halak na patulus hagiot ni Debata, mangolu do salolot-lolotna.

MASMUR 102:3

Salpu do ngolungku songon timus, milas songon na hona purun holi-holingku.

JAKOBUS 1:10

Jana halak Kristen na kayo, laing marjop ni roha ma muda dipatutoru Debata ia. Angke na giot mago do sanga ise na kayo songon bunga ni duhut.

MASMUR 89:47

Ingot ma pendek ni umurnami, songon mahluk parsantongkinan do ditompa Ho hami.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

JESAYA 38:12

Tos ma hosangku, dapot ma ajalku, songon undung-undung ni parmahan na dibungkar; songon abit na nigotap sian partonunanna; huambang paujungon ni Tuhan ma ngoluniba.

MASMUR 78:39

Diingot Ia do halahi hum parsantongkinan do, songon alogo na ro jana kehe sajo.

MASMUR 144:4

Tudos tu sangombus alogo sajo do da jolma i, songon halinu na mamolus, songon i ma ngolu ni halahi.

PODA 27:1

Ulang hata-hatahon sanga aha na giot sibaenonmu ancogot, sanga aha na giot tarjadi sadari on ise lakna umboto.

JESAYA 2:22

Antong, ulang be da mararop roha hamu tu jolma na pasti mate, harana nada mararga i.

2 SAMUEL 19:34

Tapi dialusi si Barsilai ma, “Nada sadia honok be anggo au mangolu. Jadi aha be gunana dohot au mangihutkon raja i tu Jerusalem?