JAKOBUS 4:10 - BIBEL JAMITA NA DENGGAN

¹⁰ Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

JAKOBUS 4:10 Referans Kwoze

MASMUR 147:6

Diangkat Ia halak na hona sosak, tapi anggo parjahat ditombomkon Ia tu tano.

MATEUS 23:12

Halak na patugincat dirina angkon dipatoruk. Dung i halak na patoruk dirina angkon patugincaton.”

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

JOB 22:29

Patutoruon ni Tuhan do halak siginjang roha, hape anggo na serep marroha paluaonNa ma.

MASMUR 113:7

Diangkat Ia halak na pogos sian abuan, dohot halak na malarat sian bustak.

LUKAS 1:52

Dipaijur Ia angka raja sian juguhanna jana dipagincat Ia angka halak na bile.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

MASMUR 27:6

Jadi saonnari madung godang au di angka musu na humaliang au. Mardongan sora na gogo marmoga-moga huhaulkon ma haul mandok tarimakasi di bagasMu; marende ma au tu Tuhan lalu mamujiSa.

MASMUR 30:1

Hupuji do Ho ale Tuhan, angke madung dipatongon Ho di au haluaan. Nada dipadiar Ho musungku marsurak manggorai au.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

1 SAMUEL 2:7

Adong do halak na bile dibaen Ia, adong muse na mora dibaen Ia. Adong do halak na dipatorukNia adong muse na dipatuginjangNia.

2 JUJUR TAON 7:14

dung i dipatoruk halahi roha ni halahi martangiang tu Au jana ditadingkon halahi pambaenanna na jahat i, jadi gabe tangihononKu ma tangiang ni halahi sian banua ginjang; ampunanKu ma angka dosa ni halahi jana baenonKu makmur mangulahi tano ni halahi i.

JOB 5:11

Ia ma da Debata na patugincatkon halak na menek, na pamogahon na dangol niandung.

PODA 29:23

Na laho madabu do siginjang roha sipasangapon do halak na toruk roha.

JEHESKIEL 21:26

Au, Tuhan Debata madung mandok songon i. Buka ma tukumi jana talduskon ma sarobenmi. Saonnari madung muba na masa. Pagincaton do na pogos jana patutoruon do na gincat.