JAKOBUS 2:7 - BIBEL JAMITA NA DENGGAN

⁷ Nada he halahi do na pabilehon Goar na sangap na marhite i hamu gabe nampuna ni Debata!

JAKOBUS 2:7 Referans Kwoze

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

BAENON NI ANGKA RASUL 11:26

Dung marsuo ia dohot si Saulus, dioban ia ma si Saulus tu Antiokia, disi ma halahi sataon rap dohot parlagutan na di kota i, jana laing mangajari ma halahi tu halak na bahat. Di Antiokia on ma halak na porsaya tu Jesus na parjolo situtu digoari halak Kristen.

MASMUR 111:9

Dipalua Tuhan na badia jana na marsahala i bangsoNa, jana dibaen Ia parjanjian na hot dohot halahi sudena.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

HALUMBAAN 19:13

Jana niabitan do Ia dohot abit na nironjomkon tu bagasan mudar, jana nidok ma goarNia, “Hata ni Debata.”

EPESUS 3:15

Sian Ia do manjagit goar sudena ripe na di tano on dohot na di banua ginjang.

BAENON NI ANGKA RASUL 26:11

Jotjot do huparkanciti halahi di angka bagas paribadatan, jana hupaksa halahi mansoadahon na nihaporsayaan ni halahi. Hara ni goyak ni rohangku paida-ida halahi, hukojar-kojar do halahi lopus tu kota na asing.”

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JESAYA 65:15

Pakeon ni bangso na Hupili i ma goarmu songon bura. Au, Tuhan Debata, bunuonKu noma hamu. Tapi anggo halahi na burju mangoloi Au, lehenonKu ma goar na imbaru.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

ENDE NA GODANG 1:3

Muab na huskus situtu do miakmu, songon miak wangi na marserak do goarmu. Hara ni i, holong do roha ni sude bujing-bujing tu ho!

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

1 PETRUS 4:16

Tapi muda manaon parkancitan hamu hara ni na Kristen hamu, ulang ma maila hamu hara ni i. Mandok tarimakasi ma hamu tu Debata hara ni na dipanggoarkon tu hamu goar ni Kristus sandiri.