JAKOBUS 2:4 - BIBEL JAMITA NA DENGGAN

⁴ Muda songon i dibaen hamu, nada he na mardia imbar do dibaen hamu sama hamu jana manguhumi hamu di bagasan pikiran na jahat?

JAKOBUS 2:4 Referans Kwoze

JOHANNES 7:24

Ulang ma marojahan tu na tarida sajo hamu muda manguhumi halak, tapi uhum na tigor ma baen hamu.”

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

MALEAKI 2:9

Jadi Au sian pihakKu, baenonKu ma halak Israel marlayas ni roha tu hamu hara ni na so dioloi hamu hagiotKu, dohot hara ni na marnida bohi hamu dompak mangajari bangsongKu.”

MASMUR 82:2

“Sadia lelengnai hamu manguhumi di bagasan hakejamon, jana marpihak hamu tu halak parjahat.

MASMUR 58:1

O hamu angka parkuaso, tigor dehe haputusanmunu? Tigor dehe di na manguhumi jolma hamu?

MASMUR 109:31

Dibaen dibela jana dipalua Ho halak na pogos sian angka halak na mandabu uhum hamatean tusia.

JOB 21:27

Huboto do nian na nipikirkonmunu dohot hajahatan na nitahi ni rohamunu.

LUKAS 18:6

Jadi didok Jesus ma, “Parrohahon hamu ma pandohan ni panguhum na geduk i!

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.