JAKOBUS 2:20 - BIBEL JAMITA NA DENGGAN

²⁰ Ale jolma na oto, saonnari ra dehe ho mamparkatutui bahaso na mate do haporsayaan na so mardongan pambaenan?

JAKOBUS 2:20 Referans Kwoze

JAKOBUS 2:26

Harana pamatang na so martondi, pamatang na mate do i, laing songon i do haporsayaan na so mardongan pambaenan, na mate do i.

JAKOBUS 2:17

Laing songon i ma muda porsaya hita hape nada tapatuduhon dohot pambaenan, na mate do haporsayaanta i.

PODA 12:11

Partani na padot karejo bubung sopona, tapi na oto do halak na pangabis ari-arina di na so marguna.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

TITUS 1:10

Harana bahat do halak na so ra mangoloi, lumobi na marugamo Jahudi hian; dipalilu-lilu halahi do halak na asing markite-hite hata-hata ni halahi na so marguna.

1 TIMOTEUS 1:6

Adong do deba halak, na so songon i be ngoluna. Lilu do halahi di angka hata na so marguna.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

SURAT NI SI PAULUS TU PARLAGUTAN ROM 3:28

Antong songon on noma etongon ni rohanta: Markite-hite haporsayaan do jolma i dipatigor, nada hara ni na mangkarejohon Tona i.

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”