JAKOBUS 1:11 - BIBEL JAMITA NA DENGGAN

¹¹ Muda dung bincar mataniari di panyoro ni milasna i, gabe malos ma duhut i, marurus ma bungana i jana mago muse ma dohot hajegesonna i. Laing songon i ma halak na kayo; magopu ma ia di na mandalankon karejona i.

JAKOBUS 1:11 Referans Kwoze

MARKUS 4:6

tapi dung mamungka manaek mataniari, gabe malos ma suan-suanan na baru tubu i lopus mahiang. Harana, nada jabat bagas dope uratna boti hara ni na so sadia i tanona.

MATEUS 13:6

Tapi dung manaek mataniari, rahar ma i lalu mate hara ni pejet ni uratna i.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

1 PETRUS 1:4

Hara ni i do umbaen na mararop ni roha hita maruli di pasupasu na nipasingkop ni Debata di halakNia, i ma angka pasupasu na nipasingkopNia di banua ginjang, gabe nada ra sego, sanga busuk, sanga manyocang.

1 KORINTUS 7:31

jana sanga ise na paurus-urus angka pangalaho na di tano on, songon na so karejo di angka na songon i ma nian ngoluna. Angke anggo portibi na adong saonnari on, salpu do i sude!

MASMUR 102:4

Hona pukul ate-atengku songon duhut na hiang, nada lalu au be mangan.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

JESAYA 28:4

Mur mago ma habonggalonna i na dung mamungka mangkohom. Nada adong be tarida partinggalna, songon batu ni ara na parjolo diputik jana manigor dipangankon.

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

PARJAMITA 5:15

Marsaemara do hita sorang; songon i muse do tadingkononta tano on, umpe maroban sanga aha sian sasude na tahalojahon.

MASMUR 102:11

Salpu ngolungki songon halinu borngin, malos ma au songon duhut.

MASMUR 37:2

Angke songon ruput na mahiang, tibu ma mago halahi; songon suan-suanan na malos marmatean noma i.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 90:6

martumbur ma i manyogotna i jana mangerbang, tapi gabe malos do i muda dung potang.

MASMUR 103:15

Songon duhut, nada sadia honok ngolu ni jolma, marbunga ma ia songon bunga di ladang;

MATEUS 6:30

Songon i ma jegesna dihobasi Debata angka duhut na di padang-padang i, i ma na tubu sadari on, tapi ancogot ambungkononkon ma i, dung i nitutung. Muda dihobasi Debata do ruput i songon i, mur ma hamu! Tapi, magaletu do haporsayaanmunu!

MATEUS 20:12

Didok halahi ma, ‘Angka dongan parkarejo na parpudi ro, hum sajom sajo do halahi karejo, jana hami sadari maningting di las ni ari i, hape sarupa ma panggararan dibaen tuan i tu halahi dohot tu hami!’

2 SAMUEL 22:46

Mago sude habaranion ni halahi, jana humitir ruar be sian bentengna i.