IBRANI 9:9 - BIBEL JAMITA NA DENGGAN

⁹ Hatiha sisaonnari on ma na nigambarkon ni i; astuanna, anggo angka haul sanga haul pahan-pahanan na nihaulkon i tu Debata, nada tarbaen i paias roha ni halak na manghaulkon i gabe sanggam.

IBRANI 9:9 Referans Kwoze

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

IBRANI 5:1

Sudena Malim Godang, na nipili do i sian tonga-tonga ni dongan jolma, jana dipajongjong markarejo songon wakil ni jolma di adopan ni Debata anso dihaulkon ia angka silehen-lehen dohot angka haul hara ni dosa.

SURAT NI SI PAULUS TU PARLAGUTAN ROM 5:14

Tapi haru songon i pe madung dirajai hamatean i sudena jolma manusia mamungka sian si Adam lopus tu hatiha ni si Musa, laing dohot do angka halak na so mangalaosi sanga aha pe songon na nibaen ni si Adam i. Gambaran ni jolma na giot ro i do si Adam.

IBRANI 11:19

Angke dihilala si Abraham, tarbaen Debata do pangoluhon angka na mate. Jadi bolas didok, madung dijagit si Abraham mangulahi si Ishak sian hamatean.

IBRANI 10:11

Sasude Malim Ni Jahudi angkon mandalankon karejo hamalimon ganop ari, jana marpupu ia manghaulkon angka haul na sarupa. Hape dosa aha pe nada adong tarsesa angka haul i.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

IBRANI 7:11

Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?

GALATIA 3:21

Muda songon i, na maralo dehe Tona i tu janji ni Debata? Nada! Harana sugari sura tarbaen Tona i mangalehen hangoluan tu jolma, antong tarbaen do mangulahi mardenggan jolma dohot Debata hara ni Tona i.

IBRANI 8:4

Sugari laing di tano on Ia, nada tarbaen Ia gabe malim, harana madung adong angka malim na manghaulkon haul na nipangido ni angka Tona ni ugamo Jahudi.