IBRANI 9:24 - BIBEL JAMITA NA DENGGAN

²⁴ Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

IBRANI 9:24 Referans Kwoze

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 9:23

Angka songon i ma dalanna paiaskon angka barang na manggambarkon pangalaho na di banua ginjang. Tapi anggo taringot tu angka na di banua ginjang i sandiri porlu dope angka haul na dumenggan sian angka gambaran i.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

JOHANNES 16:28

Tutu do i na ro sian Ama i do Au, jana madung Hudapotkon portibi on. Tapi saonnari, tadingkononKu ma mangulahi portibi on, mulak ma Au tu Damang.”

KOLOSSE 3:2

Tu angka pangalaho na disi ma tujuhon hamu pikiranmunu ulang ma tu angka na di tano on.

SURAT NI SI PAULUS TU PARLAGUTAN ROM 8:33

Ise ma he giot mangaduhon angka na nipili ni Debata? Debata do na patigorkon!

BAENON NI ANGKA RASUL 3:21

Laing di banua ginjang do Ia lopus dipaimbaru Debata sasudena songon na nidok ni Debata markite-hite angka panurirangNia na badia di hatiha na robi.

LUKAS 24:51

Jadi taran na mamasumasu Ia tu halahi, marsirang ma Ia sian halahi, manaek ma Ia tu banua ginjang.

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

MARKUS 14:58

Didok halahi, “Hami bege do didok bayo on, ‘Hurumpakkon ma Bagas Ni Debata na nibaen ni jolma on, dung tolu ari Hupajongjong ma mangulahi Bagas Ni Debata na so nibaen ni jolma.’ ”

HARURUAR 28:29

Jadi muda masuk si Harun tu Inganan Na Badia, angkon pakeonnia do tutup andora na nigorgaan dohot goar ni marga-marga ni halak Israel, anso Au Tuhan, marningot tongtong di bangsongKu.

HALUMBAAN 8:3

Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

IBRANI 9:9

Hatiha sisaonnari on ma na nigambarkon ni i; astuanna, anggo angka haul sanga haul pahan-pahanan na nihaulkon i tu Debata, nada tarbaen i paias roha ni halak na manghaulkon i gabe sanggam.

IBRANI 8:5

Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

JOHANNES 6:62

Bia do muda diida hamu saulahon Anak Ni Jolma i mulak manaek tu ingananna humani?

ZAKARIA 3:1

Di bagasan parnidaan na asing muse, dipataridahon Tuhan ma tu au Malim Godang Josua na topet jongjong di jolo ni Surusuruan Ni Tuhan. Jongjong do di lambungnia Sibolis na dung hobas laho manuhas ia.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

HARURUAR 28:12

Baen ma batu intan i tu tali abara ni efod i, songon na mangwakili marga ni Israel na dua bolas i. Songon i ma carana baenon ni si Harun paoban-oban goar ni halahi di abarania, anso Au, Tuhan marningot tongtong di halahi.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 9:1

Adong do aturan ni ibadat sian ihot-ihot ni janji na parjolo i jana adong muse do inganan paribadatan na nibaen ni jolma.