IBRANI 8:3 - BIBEL JAMITA NA DENGGAN

³ Sude Malim Godang, niangkat do i laho manghaulkon na nisombahon sanga haul, tu Debata, laing songon i muse do Malim Godangta i; angkon adong do diSia sanga na aha sihaulkononNia.

IBRANI 8:3 Referans Kwoze

IBRANI 5:1

Sudena Malim Godang, na nipili do i sian tonga-tonga ni dongan jolma, jana dipajongjong markarejo songon wakil ni jolma di adopan ni Debata anso dihaulkon ia angka silehen-lehen dohot angka haul hara ni dosa.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

SURAT NI SI PAULUS TU PARLAGUTAN ROM 4:25

i ma Jesus na dung dipasahat hara ni angka pangalaosionta, jana na nipangolu salaho tu hatigoranta.

SURAT NI SI PAULUS TU PARLAGUTAN ROM 5:6

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

SURAT NI SI PAULUS TU PARLAGUTAN ROM 5:8

Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 8:4

Sugari laing di tano on Ia, nada tarbaen Ia gabe malim, harana madung adong angka malim na manghaulkon haul na nipangido ni angka Tona ni ugamo Jahudi.