IBRANI 7:9 - BIBEL JAMITA NA DENGGAN

⁹ Jadi tardok muse do, si Levi sandiri pe – di na dohot pomparannia manjagit panggararan ni na saparsampulu bagian i sian halak Israel dohot do manggarar sisaparsampulu bagian i tu si Melkisedek markite-hite si Abraham, di na manggarari si Abraham tu si Melkisedek.

IBRANI 7:9 Referans Kwoze

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.

PAMUNGKAAN 14:20

Tarpuji ma Debata Na Gumincat i na dung mangalehen hamonangan tu ho maradopkon angka musumu.” Dung i dipasahat si Abram ma tu si Melkisedek saparsampulu sian sude barang na nirampas i na niobannia mulak.

IBRANI 7:4

Jadi madung taida dison sanga songon dia godang ni si Melkisedek hara ni sangapnia, salang si Abraham na umpompar bangsonta laing manggarar do tusia saparsampulu ni na dapotnia sian parporangan i.

PANGARATAION 26:12

Ganop di taon patoluhon angkon obanonmunu do haul parsampuluan – saparsampulu sian pandapotanmunu – di Malim Levi, halak sileban, dakdanak na so marama, dohot di angka na mabalu, anso di ganop kota dapotan halahi sandok na porlu di sipanganon. Muda dung dibaen hamu na songon i,

MATEUS 7:8

Harana, angkon manjagit do halak na torus mangido. Angkon dapotan do halak na torus manjalahi. Jana na torus manuktuk pintu, angkon dibuka do pintu i disia.

IBRANI 7:8

Jana na ra mate do halahi, na manjagit saparsampuluan, tapi anggo Ia dilehen do hasaksian, paboa na mangolu do Ia.

IBRANI 7:10

Dibaen di bagasan pamatang ni ompunia dope ia, dompak di aloalo si Melkisedek ompunia i.