IBRANI 6:12 - BIBEL JAMITA NA DENGGAN

¹² Nada por rohanami gabe losok hamu. Anggo giotnami, mangolu ma hamu songon halak na manjagit sanga aha na nijanjihon ni Debata hara ni haporsayaanmunu tuSia dohot hasobaranmunu paintehonsa.

IBRANI 6:12 Referans Kwoze

IBRANI 13:7

Ulang hamu lupa tu angka pamimpinmunu na dung pasahatkon jamita na sian Debata tu hamu. Paligi-ligi hamu ma sanga songon dia pardalan ni ngolu ni halahi lopus mate jana haporsayai hamu ma Debata songon pangkaporsayai ni halahi di Debata.

IBRANI 10:36

Porlu do sobar hamu, jana muda dung dipatulus hamu hagiot ni Debata, jagitonmunu ma janji i.

1 JOHANNES 2:25

Jana on ma na nijanjihon ni Kristus sandiri tu hita, i ma ngolu na manongtong.

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

IBRANI 5:11

Taringot tusi, bahat do sipaboaonnami tu hamu, tapi maol do pajojorkonsa hara ni lambatna anso mangarti hamu.

2 PETRUS 1:10

Hara ni i hamu ale angka dongan, mur haburjuhon hamu ma markarejo anso mur togu pamioon ni Debata dohot panodoonNia tu hamu. Muda dipatulus hamu songon i, nada jadi be madabu hamu.

JAKOBUS 1:3

Angke muda laing tong do porsaya hamu tu Tuhan di na mamolus pandugaan i gabe diparo i ma hasobaron di hamu.

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

SURAT NI SI PAULUS TU PARLAGUTAN ROM 4:12

Dohot do ia gabe ompu ni angka na marsunat, i ma na so hum marsunat sajo, tapi na mardalan muse mangihutkon indege ni haporsayaan ni si Abraham, ompunta i, taran so marsunat dope ia.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

PODA 18:9

Sarupa do jahat ni halak na losok karejo, dohot halak na sai mambaen sego.

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

IBRANI 11:33

Hara ni haporsayaanna, ditaluhon halahi do angka harajaan. Na tigor do na nibaen ni halahi, gabe dijagit halahi ma na nijanjihon ni Debata. Dihuntam halahi do baba ni angka singa.

IBRANI 6:15

Jadi hara ni sobarna si Abraham paintehon, gabe dijagit ia do na nijanjihon ni Debata tusia.

2 TESSALONIKA 1:4

Hara ni i do umbaen na hami puji hamu di tonga-tonga ni sude angka parlagutan ni Debata. Sian godang ni rohanami, hami paboa do sanga na bia togu ni rohamunu dohot haporsayaanmunu tu Kristus i di tonga-tonga ni siksaan dohot parkancitan na nitaonmunu.

LUKAS 8:15

Same na madabu tu tano na napu i, i ma manggambarkon angka halak na umbege hata i, jana na manjagohon sadenggan-dengganna di bagasan roha ni halahi. Burju do halahi jana sobar, gabe tulus ma marbatuhon parbatu na denggan.”

MATEUS 22:32

‘Au do Debata ni si Abraham, Debata ni si Ishak dohot Debata ni si Jakob.’ Inda Debata ni halak na mate anggo Debata, Debata ni halak na mangolu do Ia!”

PODA 15:19

Halak na losok sai na marpupu do i susa; halak na jujur nada adong hamaolonna.

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 12:24

Maradu gogo karejo mambaen halak markuaso; halosohon mamaksa jolma gabe hatoban.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

LUKAS 16:22

Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.

MATEUS 25:26

‘Ho ma naposo na jahat jana na losok!’ ning tuan i. ‘Inda he diboto ho, hubuat do parbatu sian na so husuan, dung i hubuat do suha sian na so husabur?

ENDE NA GODANG 1:8

Dia ma he na so diboto anggingku inganan i, sibujing na jogingku na lambok panaili? Ihutkon sajo ma indege ni biri-biri i. Parmahani ma angka hambengmi di lambung ni angka bandar ni parmahan na disi.

PODA 2:20

Hara ni i, ale anakku, tiruan ni halak na denggan ma ihutkon, jana jagohon ma dalan-dalan ni halak na tigor.

PODA 28:10

Sanga ise na mangirangi halak na burju anso marjahat, ia sandiri pe madabu do tu jorat.

PODA 26:14

Songon pintu na mordong di encelna, songon i do silosok margiling-giling di podomanna.