IBRANI 5:3 - BIBEL JAMITA NA DENGGAN

³ Boti hara ni hagaleannia sandiri, angkon laing haulkononnia do haul, nada hum hara ni angka dosa ni bangso i, tapi dohot do hara ni dosania sandiri.

IBRANI 5:3 Referans Kwoze

IBRANI 9:7

Anggo na masuk tu bilik parbagasan ni bandar i hum Malim Godang i sajo do. I pe, hum sanoli sataon do i tola. I pe angkon mamboan mudar do ia patuluskon i, i ma sisombahononkon tu Debata hara ni ia sandiri dohot hara ni angka dosa na nibaen ni bangsonia i sian na so pamotoanna.

HAMALIMON 9:7

Jana didok ia ma tu si Harun, “Kehe ma ho tu langgatan i, jana pasahat ma disi haul hasesaan ni dosa dohot haul situtungon anso disesa Tuhan i dosamu dohot dosa ni bangso i. Baen ma songon i songon na dung ditonahon ni Tuhan i.”

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.

HAMALIMON 16:6

Angkon pasahaton ni si Harun sada lombu jantan gabe hasesaan ni dosania dohot sude halahi sabagas.

HAMALIMON 16:15

Dung songon i, sambolon ni si Harun ma hambeng na gabe haul hasesaan ni dosa ni rayat i. Mudar ni hambeng i angkon obanon tu Bilik Na Sun Badia, lalu dipispiskon tu ginjang ni Poti Parjanjian i dohot tu jolo ni Poti i, songon na dung dibaen dos dohot mudar ni lombu jantan i.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.