IBRANI 5:11 - BIBEL JAMITA NA DENGGAN

¹¹ Taringot tusi, bahat do sipaboaonnami tu hamu, tapi maol do pajojorkonsa hara ni lambatna anso mangarti hamu.

IBRANI 5:11 Referans Kwoze

MATEUS 13:15

Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”

2 PETRUS 3:16

Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

BAENON NI ANGKA RASUL 28:27

Angke madung jogal roha ni bangso on, disumpol halahi do pinggolna jana dipapitpit matana. Angke sugari nada songon i, tontu marnida do mata ni halahi, marbinege do pinggolna, mangarti muse do roha ni halahi, jana mulak do halahi tu Au, disi ma Hupamalum halahi.’ ”

JOHANNES 16:12

Bahat dope nian na giot dokkononKu tu hamu, tapi anggo saonnari nada tuk dope gogomunu laho manjagit i.

JOHANNES 6:6

Didok Jesus pe songon i laho mancubo roha ni si Pilipus do Ia; harana anggo Jesus sandiri diboto Ia hian do sanga aha na giot baenonNia.)

LUKAS 24:25

Dung i mandok hata ma Jesus tu halahi ning Ia, “Otona i hamu! Na maol ma hamu manghaporsayai na nidok ni angka panurirang i!

MARKUS 8:21

“Antong, laing na so mangarti dope hamu?” ninna Jesus mangulahi.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

1 RAJA-RAJA 10:1

Madung tarbege tu ratu na sian Seba taringot tu hagodangan ni si Salomo. Jadi ro ma ia tu Jerusalem laho manguji si Salomo markite-hite sapa-sapa na maol-maol.

IBRANI 5:10

Jana na nipabangkit ni Debata do Ia gabe Malim Godang, mangihutkon aturan ni si Melkisedek.

IBRANI 5:12

Satutuna nian, madung hatihana gabe guru hamu, hape angkon laing porlu dope hamu marsiajar tu halak na asing taringot tu ojahan ni angka pangajaran ni Debata. Laing na so tarpangan hamu dope panganon na pir; angkon laing minum susu sajo dope hamu.