IBRANI 4:6 - BIBEL JAMITA NA DENGGAN

⁶ Jadi halahi na parjolo umbege barita taringot tu Jamita Na Denggan i nada dilehen inganan paradianan hara ni na so porsaya halahi. Antong madung torang sian i, adong dope angka halak na asing na nipatola manjagit inganan paradianan i sian Debata.

IBRANI 4:6 Referans Kwoze

MATEUS 21:43

“Hara ni i Hudok ma tu hamu: Buaton do Harajaan Ni Debata sian hamu jana nilehen ma i tu sada bangso na marbatuhon parbatu ni Harajaan i. [

IBRANI 4:2

Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.

BAENON NI ANGKA RASUL 28:28

Ujungna didok si Paulus, “Angkon botoonmunu do, saonnari madung dipalalu do barita haluaan na sian Debata tu angka bangso na asing na so Jahudi. Ra do halahi mangihutkon i!” [

IBRANI 4:9

Jadi anggo di halak ni Debata laing adong dope janji anso maradian songon Debata na maradian di ari papituhon i.

GALATIA 3:8

Madung diida Buku Na Badia i hian do na dung dilehen Debata dalan anso mardenggan mangulahi angka halak na so Jahudi dohot Debata, muda porsaya halahi tu Debata. Tu si Abraham do parjolo dipaboa Jamita Na Denggan i, di bagasan janji on, “Markite-hite ho, pasupasuon ni Debata ma sandok bangso na di ginjang tano on.”

JESAYA 65:15

Pakeon ni bangso na Hupili i ma goarmu songon bura. Au, Tuhan Debata, bunuonKu noma hamu. Tapi anggo halahi na burju mangoloi Au, lehenonKu ma goar na imbaru.

BILANGAN 14:31

Didok hamu, tabanonna ma angka anaknami! Hape na giot obanonKu do halahi tu luat na so giotmunu i, jadi baenonKu ma i gabe tano hagodangan ni halahi.

BILANGAN 14:12

PukulonKu ma halahi marhite na parohon nyae na mangalangkoti. Jana baenonKu ma ho gabe ama ni sude bangso na gumodang jana na gumogo sian halahi!”

1 KORINTUS 7:29

Tapi on do na hudok, hamu ale angka dongan: Otik noma hatiha di hita. Mamungka saonnari, sanga ise na marripe, songon na so marripe ma dibaen ia ngoluna;

IBRANI 4:11

Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.