IBRANI 3:1 - BIBEL JAMITA NA DENGGAN

¹ Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 3:1 Referans Kwoze

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

PILIPPI 3:14

Hara ni i ma umbaen na torus hulojong manuju tu tujuan na parpudi anso dapot au hamonangan, i ma ngolu na di banua ginjang; hara ni i do umbaen na nipio ni Debata hita markite-hite Jesus Kristus.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 10:21

Jana adong do di hita sada Malim Godang di Bagas Ni Debata.

EPESUS 4:4

Hum sada sajo do pamatang i jana sada do Tondi. Laing songon i muse do hamu dipiohon tu sada arop ni roha na sarupa.

1 TESSALONIKA 2:12

Hami paingot, hami sosoi jana hami jujui do hamu anso mangolu hamu mangihutkon na tumbuk di roha ni Debata, na mamiohon hamu tu bagasan Harajaan bope hasangapanNia.

1 KORINTUS 9:23

Hara ni Jamita Na Denggan i do, hubaen songon i sudena, anso laing dohot au muse dipasupasu.

2 TIMOTEUS 2:7

Pikiri ma jolo sanga aha na hupajojor on, angke dilehen Tuhan do di ho gogo laho mangastui sasudena i.

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.

SURAT NI SI PAULUS TU PARLAGUTAN ROM 15:8

Tapi on do na hudok, na gabe pangoloi ni halak Jahudi do Kristus, hara ni hasintongan ni Debata, anso dipatogu Ia janji na dung nilehenNia di angka ompunta.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

IBRANI 3:14

Sapartohapan do hita on sudena rap dohot Kristus; asal ma togu tatiop lopus tu ujungna, sanga aha na tahaporsayai di mulana i.

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

2 TESSALONIKA 2:14

Anso tusi ma dibaen hamu na nipiohon ni Debata markite-hite Jamita Na Denggan na hami jamitahon i tu hamu. Dipiohon Debata pe hamu, anso laing dohot do hamu nian marsangap rap dohot Tuhanta Jesus Kristus.

2 TESSALONIKA 1:11

Hara ni i ma dibaen na tongtong hami tangiangkon hamu. Hami tangiangkon do anso nian halak na tumbuk hamu di pamioon ni Debata. Sai diurupi Debata ma hamu hara ni kuasoNa i, anso tarpatulus hamu sudena na denggan na nihalungunkonmunu hombar tu haporsayaan i. Laing hami tangiangkon do, anso nian hara ni kuaso ni Debata, laing dipaujung Ia ma angka karejo na nikarejohonmunu hombar tu haporsayaanmunu i.

1 TESSALONIKA 5:27

Mangasahon goar ni Tuhan Jesus, gomos nipangido tu hamu, anso laing sisehon hamu surat on tu sudena angka dongan sahaporsayaan.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

KOLOSSE 1:22

Tapi anggo saonnari madung dipadame Ia hamu di bagasan pamatangNia markite-hite hamatean i, anso badia hamu, nada martihas jana na so sipincangon maradopkon Ia.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

2 KORINTUS 1:7

Nada jungada ganggu rohanami taringot tu na hami arop sian hamu, angke hami boto do, na dohot do hamu susa rap dohot hami. Jana hara ni i ma umbaen na gabe dohot hamu dipatogu.

1 KORINTUS 1:2

tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

SURAT NI SI PAULUS TU PARLAGUTAN ROM 15:27

Denggan do na dung diputuskon ni halahi, jana utang do i di halahi. Harana muda taruli angka bangso di arta partondion sian halak Jahudi, jadi patut do ditolongi angka bangso na asing i halak Jahudi i taringot tu arta na di portibi on.

SURAT NI SI PAULUS TU PARLAGUTAN ROM 11:17

Diponggolkon deba sian dangka ni hayu i, jana nilohotkon ma ho na dibuat sian hayu harangan i tu inganan ni halahi gontina, anso martohap ho di urat dohot di miak ni hayu zetun i.

SURAT NI SI PAULUS TU PARLAGUTAN ROM 9:24

tarmasuk hita na dung nipioNia, nada hum sian halak Jahudi, tapi dohot do sian angka bangso na asing.

JOHANNES 20:27

Dung i didok Jesus ma tu si Tomas, “Baen tuson jari-jarimi, ligi ma tanganKon. Surduhon ma tanganmi tu rusukKon. Ulang be ganggu rohamu. Porsaya ma ho!”

HAGAI 2:15

Didok Tuhan ma, “Cubo hamu ma pamanat hamu na masa di hamu saonnari! Taran so mamungka dope padenggankon BagasKon,

JEHESKIEL 18:28

Madung diboto ia torang sude pangalahonia lalu mantak ia mambaen dosa. Jadi di na songon i nada mate be ia, tapi tongtong noma mangolu.

JEHESKIEL 12:3

Hara ni i, ale anak ni jolma, taran torang dope ari, hobasi ma barang-barangmu di bagasan sada gendongan songon na somal dibaen halak pangungsi. Painte so dapot borngin, kehe ma ho di torang ni ari di jolo ni halak songon halak na dioban tu buangan. Baen ma lubang di dingding ni bagasmi jana oban ma gendonganmu na marisi angka barang-barangmu ruar sian lubang i. Porsan ma gendonganmi di abaramu, kehe ma ho tu golap-golap i; papitpit ma matami anso ulang diida ho dalan na nibolusmi. Padiar ma dipaida-ida bangso Israel sude na nibaenmi, anso gabe sipaingot di halahi. Betak na ra do halahi mamoto bahaso na jahat pangalo halahi.”

JESAYA 41:20

Idaon ni halak ma i jana botoonna, bahaso Au Tuhan, Au do na mambaensa. Jadi astuan ni halahi ma i, Debata Na Badia ni Israel do na mambaen i tarjadi.”

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

1 PETRUS 3:5

Songon i do dalanna dibaen angka dadaboru na badia na mararop ni roha tu Debata, laho pajegeskon diri ni halahi, i ma mangoloi halaklahina.

IBRANI 9:11

Tapi madung ro Kristus gabe Malim Godang ni angka na denggan na giot ro i. Bandar ingananNia mandalankon tugas songon Malim Godang, i ma bandar na sumurung jana na sumanggam. Nada na nibaen ni jolma; astuanna, nada na sian portibi on.

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

1 KORINTUS 10:17

Dibaen hum sada sajo do roti i, jana rap mangan sian roti na sada i do hita sude, jadi songon na gabe sada pamatang ma hita na bahat on.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

2 KORINTUS 9:13

Hara ni hadengganan na dipataridahonmunu, gabe bahat halak pasangapkon Debata, angke diida halahi ma antong burju ni rohamunu maradopkon Jamita Na Denggan i na patorangkon Jesus Kristus na niihutkonmunu i. Mardomu muse hara ni habasaonmunu laho mambagi-bagihon sanga aha na adongmunu tu halahi bope tu sude halak na asing.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

IBRANI 7:28

Angka halak na so sanggam do na niangkat ni angka Tona ni ugamo Jahudi gabe Malim Godang. Tapi di pudi ni angka Tona i, dibaen Debata ma janji mardongan sumpa, diangkat Ia do gabe Malim Godang, Anak na sanggam i ro di salolot-lolotna.

IBRANI 9:15

Jadi hara ni i do dibaen Debata sada janji na imbaru markite-hite Kristus, anso maruli pasupasu na so ra mantak angka halak na nipiohon ni Debata, i ma pasupasu na dung nijanjihon ni Debata. Tulus pe sudena i hara ni na dung adong do na mate, i ma Kristus; jana dipalua hamamateNia i ma halak sian angka hasalaan na nibaen ni halahi dompak margogo janji na parjolo i.

IBRANI 10:19

Antong saonnari hamu angka dongan, hara ni mudar ni Jesus i, madung bisa hita masuk tu Bilik Na Sun Badia i.

IBRANI 10:23

Togu ma hita marsitiopan tu arop ni rohanta na dung taoku i angke haposan do Debata, patulusonNia do janjiNia.

IBRANI 13:22

Hupaingot ma hamu ale dongan, jagit hamu ma hata sipaingot i, angke saotik do isi ni suratkon tu hamu.