IBRANI 2:17 - BIBEL JAMITA NA DENGGAN

¹⁷ Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 2:17 Referans Kwoze

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

SURAT NI SI PAULUS TU PARLAGUTAN ROM 5:10

Harana muda hatiha musu dope hita, dipadame hita dohot Debata markite hamamate ni AnakNia, tarlumobi hita na saonnari na dung dipadame, pasti do angkon dipalua markite ngoluNia.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.

KOLOSSE 1:21

Najolo dao do hamu sian Debata. Marmusu do hamu tuSia di bagasan parange dohot pikiranmunu na jahat i.

IBRANI 7:28

Angka halak na so sanggam do na niangkat ni angka Tona ni ugamo Jahudi gabe Malim Godang. Tapi di pudi ni angka Tona i, dibaen Debata ma janji mardongan sumpa, diangkat Ia do gabe Malim Godang, Anak na sanggam i ro di salolot-lolotna.

EPESUS 2:16

Hara ni hamamateNia di parsilang i dipasada Kristus ma bangso na dua i jana dipadame Ia ma halahi tu Debata. Gabe mago ma parbadaan i.

SURAT NI SI PAULUS TU PARLAGUTAN ROM 15:17

Hara ni i tola do au mamuji diringku di bagasan Jesus Kristus taringot tu Debata.

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

IBRANI 3:2

Haposan do Jesus di Debata na mamili Ia tu karejo i, laing songon haburjuon ni si Musa najolo mandalankon karejonia di tonga-tonga ni bagasNia.

JEHESKIEL 45:20

Laing songon i muse ma baenon di tanggal pitu bulan i, di sude halak na dung mambaen dosa sian na so diuntil sanga hara ni na so dibotosa. Songon i ma baenonmunu laho manjago habadiaan ni BagasKu.

JEHESKIEL 45:17

Angkon paradeonnia do pahan-pahanan baen haul situtungon songon i angka sipakeon baen tu haul gandum dohot haul anggur di sude bangso Israel muda dapot di ari pesta Bulan Na Imbaru, di Ari Sabat dohot angka ari pesta na asing i. Angkon paradeonnia do haul hasesaan ni dosa, haul gandum, haul situtungon, dohot haul pardamean laho mangido anso diampuni bangso Israel.”

JESAYA 11:5

Markite hasintongan dohot hatigoran do aturonNia bangsoNa.

2 JUJUR TAON 29:24

Dung salpu i disambol ma angka hambeng i jana mudarna i diduruskon ma di langgatan i gabe haul pangampuni ni dosa ni sude rayat i. Dibaen halahi ma songon i hara ni na niparentahon ni raja i anso baenon haul situtungon dohot haul pangampuni ni dosa di sude rayat ni Israel.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

HAMALIMON 14:18

Miak na lobi i angkon usehonon tu ulu ni halahi. Songon i ma pangalahona sibaenon ni angka malim di hatiha paiaskon diri di jolo ni Tuhan.

HAMALIMON 16:16

Songon i ma pangalahona laho paiaskon Bilik Na Sun Badia sian haramunon ni bangso Israel dohot sian sude dosa ni halahi. Bandar Parmianan i angkon badia baenon, angke ingananna di tonga-tonga ni halahi i do, jana hona tu haramunon ni halahi.

BILANGAN 15:25

Dung i angkon karejohonon ni malim i ma upacara taringot tu hasesaan ni dosa ni na bahat i. Dung i ampunan ni Debata ma halahi hara ni hasalaan na so niuntil i jana na dung dioban halahi haul hasesaan ni dosa gabe haul sipanganon tu Tuhan i.

IBRANI 2:16

Jadi torang do, nada na manyarihon surusuruan Ia, tapi pomparan ni si Abraham do na disarihonNia songon na nidok ni surat i di Buku Na Badia i.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

IBRANI 5:1

Sudena Malim Godang, na nipili do i sian tonga-tonga ni dongan jolma, jana dipajongjong markarejo songon wakil ni jolma di adopan ni Debata anso dihaulkon ia angka silehen-lehen dohot angka haul hara ni dosa.

IBRANI 5:2

Laing gale do Malim Godang i di ragam-ragam ni pangalaho, tapi haru songon i pe laing tarbaen ia muse dope marlambok ni roha maradopkon angka halak na so umboto sanga aha jana na lilu pardalananna.

IBRANI 5:5

Laing songon i do Kristus. Nada na nipasangapNia diriNa sandiri markite na gabe Malim Godang, tapi na nipasangap ni na mandok tuSia: “AnakKu do Ho! Sadari on ma Au gabe AmangMu.”

IBRANI 5:10

Jana na nipabangkit ni Debata do Ia gabe Malim Godang, mangihutkon aturan ni si Melkisedek.

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

IBRANI 8:3

Sude Malim Godang, niangkat do i laho manghaulkon na nisombahon sanga haul, tu Debata, laing songon i muse do Malim Godangta i; angkon adong do diSia sanga na aha sihaulkononNia.

IBRANI 9:11

Tapi madung ro Kristus gabe Malim Godang ni angka na denggan na giot ro i. Bandar ingananNia mandalankon tugas songon Malim Godang, i ma bandar na sumurung jana na sumanggam. Nada na nibaen ni jolma; astuanna, nada na sian portibi on.

IBRANI 10:21

Jana adong do di hita sada Malim Godang di Bagas Ni Debata.