IBRANI 2:15 - BIBEL JAMITA NA DENGGAN

¹⁵ Jadi songon i ma dalanna dibaen Ia laho paluahon angka jolma na niparhatoban ni biar mida hamatean i sapanjang mangolu.

IBRANI 2:15 Referans Kwoze

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

2 TIMOTEUS 1:7

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

SURAT NI SI PAULUS TU PARLAGUTAN ROM 8:21

Di sada hatiha paluaon do na nitompa on sian kuaso na manyegohonsa jana laing dohot do paluaon bope pasangapon rap dohot angka dakdanak ni Debata.

MASMUR 55:4

Hum na susa do rohangku, diayak-ayak hajorbuton ni hamatean do diringku.

MASMUR 89:48

Ise ma tarbaen torus mangolu so pola mate? Ise tarbaen malua sian kuburan?

MASMUR 56:13

Dibaen dipalua Ho au sian hamatean, jana dijagohon Ho au gabe nada ditaluhon. Gabe tola ma au mangolu di bagasan pangondingan ni Debata, di bagasan sinondang na manorangi sandok na mangolu.

MASMUR 33:19

Dipalua Ia halahi sian hamatean, jana dipangolu Ia halahi di hamamasa ni haleon.

JOB 24:17

Mataniari bincar habiaran godang do disia, hape anggo golap manyantak, i do na pasonang rohana.”

JOB 18:11

Sai na manginte do na jorbut sian sasudena tu halak na jahat; diayak-ayak biar do sian langka na sada tu langka na sada.

GALATIA 4:21

Tangihon hamu ma jolo na hudok on, hamu angka na giot mangolu di toru ni kuaso ni Tona! Adong he na so jungada do dibege hamu Buku Tona i.

MASMUR 73:19

Maronco halahi di bagasan sangkinidop mata, jorbut ma da hasidunganna.

JOB 18:14

Disarat ia sian bandarna, inganannia nian marsonang, lalu direkrek laho mangadopi hamatean.

IBRANI 2:16

Jadi torang do, nada na manyarihon surusuruan Ia, tapi pomparan ni si Abraham do na disarihonNia songon na nidok ni surat i di Buku Na Badia i.