IBRANI 2:13 - BIBEL JAMITA NA DENGGAN

¹³ Didok Jesus dope, “Tu Debata noma Au mararop ni roha.” Jana didok Jesus muse dope, “Dison do Au rap dohot angka dakdanak na nilehen ni Debata di Au.”

IBRANI 2:13 Referans Kwoze

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

1 KORINTUS 4:15

Songon halak Kristen hamu, didok rohangku madung adong sampulu ribu halak gurumunu, tapi nada adong na gabe ama di hamu. Hum au do na gabe ama di hamu sude, harana Jamita Na Denggan taringot tu Kristus Jesus i do na huoban di hamu.

JOHANNES 10:29

Gumodangan dope Damang na mangalehen halahi di Au sian sasudena. Jana nada tarrampas sanga ise pe halahi sian parmahanion ni Damang.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

PAMUNGKAAN 48:9

“On ma dakdanakki na nilehen ni Debata tu au di Mesir on,” ning si Josep mangalusi. Didok si Jakob ma, “Padonok ma tu au anso hupasupasu halahi.”

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

2 SAMUEL 22:3

Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

MASMUR 16:1

Jagohon ma au, ale Debata, tu Ho do au maronding-onding.

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.