IBRANI 13:2 - BIBEL JAMITA NA DENGGAN

² Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

IBRANI 13:2 Referans Kwoze

MATEUS 25:35

Angke taran malean Au, dilehen hamu do Au mangan. Dompak manguas Au, dilehen hamu do Au minum. Di na tarpunjung Au, dijagit hamu do Au di bagasmunu.

PAMUNGKAAN 18:1

Dipataridahon Tuhan ma diriNa tu si Abraham di lambung ni harangan inganan ni paribadatan na di Mamre. Santak milas ni ari hatiha i, jana topet ma si Abraham juguk di pintu ni bandarnia i.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

1 PETRUS 4:9

Marsijagitan ma hamu na sada tu na asing di bagasna be, so pola humolos.

MATEUS 25:43

Hatiha tarpunjung Au di sada-sada inganan, nada dijagit hamu Au di bagasmunu. Hatiha so marpakean Au, nada dilehen hamu pakeanKu. Marnyae Au dohot hatiha tarhurung, nada diligi hamu Au.’

TITUS 1:8

Angkon jop do rohana manjagit tamu di bagasna, na mangkagioti pangalaho na denggan, na malo mangorom dirina, na jujur, ias jana maraturan.

JOB 31:32

Ungkap do pintu ni bagasku di halak na mardalanan; nada jungada hupadiar halahi habornginan di dalan.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

SURAT NI SI PAULUS TU PARLAGUTAN ROM 16:23

Manongos tabe do si Gayus tu hamu angka dongan. Di bagasnia do au manompang jana laing di bagasnia do hami margareja. Si Erastus kapala ni sitiop hepeng ni pamarenta ni kota i pe laing manongos tabe do tu hamu. Songon i si Kuartus donganta i. [

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

JOB 31:19

Muda tarpaida au halak na hurangan, na so tarbaen manobusi pakean hara ni hapogosan,

2 RAJA-RAJA 4:8

Adong ma sada dadaboru na mora di kota Sunem. Sanoli hatiha kehe si Elisa tu Sunem, diontang anakboru i ma ia mangan. Mamungka sian i, ganop ro si Elisa tu Sunem, sai di bagas ni dadaboru i do ia mangan.

PAMUNGKAAN 19:1

Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

3 JOHANNES 1:5

Ale dongan na huhaholongi! Na burju do ho di pambaenanmu na nibaenmi tu angka dongan dohot tu angka halak na asing.