IBRANI 12:5 - BIBEL JAMITA NA DENGGAN

⁵ Jana madung lupa hamu di sipaingot na mandok tu hamu songon tu dakdanak, “Ale dakdanakku, ulang menek rohamu mida pangajaran ni Tuhan i; jana ulang mandele muda dipaingot Ia ho.

IBRANI 12:5 Referans Kwoze

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

1 KORINTUS 11:32

Tapi muda diuhumi Tuhan hita, ajaronNia ma hita, anso ulang hona uhum be hita rap dohot portibi on.

MASMUR 94:12

Ale Tuhan, martua ma halak na nipodaanMu, halak na niajarkonMu angka uhumMu.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

MASMUR 119:109

Sai husabung do tongtong ngolungku, tapi nada huhalupahon anggo TonaMu.

JEREMIA 31:18

Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 118:18

Borat do da tu au uhuman ni Tuhan, tapi nada jabat dipasahat Ia au tu hamatean.

IBRANI 12:7

Angkon songon pangajaran ni sada ama tu dakdanakna do panjagitmunu muda ro loncing-loncing ni Debata. Adong ma he lakna dakdanak na so jungada diajar amangna?

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

PODA 4:5

Marbisuk ma ho jana marroha! Argahon ma angka sipaingotku jana ulang halupahon.”

MASMUR 119:83

Markerut huling-kulingku songon inganan ni anggur na buruk, tapi anggo hatontuan na nibaenMu nada huhalupahon.

MASMUR 119:16

Gabe sonang do au dibaen hatontuanMu; nada huhalupahon pangajaranMu.

JOB 34:31

Madung he dioku ho Job, dosamu tu Debata? Madung he marjanji ho na so mangulahi be mardosa?

LUKAS 24:6

Inda adong dison Ia; madung mulak mangolu Ia! Ingot hamu ma na nidokNia tu hamu dompak di Galilea dope Ia.

LUKAS 24:8

Dung i gabe tarsingot ma angka dadaboru i tu angka hata na nidok ni Jesus.

MASMUR 119:67

Na jolo somal do au manyimbil, dung diuhumi Ho, hutiop janjiMi.

ANDUNG 3:39

Biasi angkon sai holsoan hita muda diuhum hita hara ni angka dosanta?

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

1 TIMOTEUS 1:20

I ma songon si Himeneus dohot si Aleksander. Ma hupasahat halahi na dua tu Sibolis, anso jora halahi mangincahi.

IBRANI 13:22

Hupaingot ma hamu ale dongan, jagit hamu ma hata sipaingot i, angke saotik do isi ni suratkon tu hamu.