IBRANI 12:12 - BIBEL JAMITA NA DENGGAN

¹² Hara ni i, pargogoi hamu ma tanganmunu na gale dohot patmunu na humitir-hitir i mardalan!

IBRANI 12:12 Referans Kwoze

JESAYA 35:3

Pargogoi ma tangan na gale, patogu ma dugul na hitir-hitir.

IBRANI 12:3

Ingot hamu ma Ia na manaon sai bahat hata partangkangon sian angka pardosa, anso ulang gale hamu, jana ulang mandele rohamunu.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

IBRANI 12:5

Jana madung lupa hamu di sipaingot na mandok tu hamu songon tu dakdanak, “Ale dakdanakku, ulang menek rohamu mida pangajaran ni Tuhan i; jana ulang mandele muda dipaingot Ia ho.

JEHESKIEL 7:17

Sandok jolma gabe gale ma tanganna i jana humitir dugulna i.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

DANIEL 5:6

Gabe rata lombam ma ia jana mabiar situtu jabat humitir totnia i.

MASMUR 109:24

Humitir totku hara ni na marpuaso; sibukku pe tinggal lohot holi-holi noma.

ZEPANYA 3:16

Dokkonon ni halak ma di sada hatiha, ale Jerusalem; “Ulang ho mabiar, ale Sion ulang ma gale-gale tanganmi!