Biblia Todo Logo
Bib sou entènèt

- Piblisite -




IBRANI 11:7 - BIBEL JAMITA NA DENGGAN

7 Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

Gade chapit la Kopi




IBRANI 11:7
41 Referans Kwoze  

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.


i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.


Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.


Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.


Jana songon pangalaho na masa di hatiha ni si Noak narobi, laing songon i muse ma pangalahona saulahon di hatiha ni Anak Ni Jolma i.


jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.


Hara ni Tondi dohot haporsayaanta, arop do rohanta di hatigoran i.


Jana haru pe maringanan disi si Noakh, si Daniel dohot si Job, jadi hara ni Au na mangolu, Tuhan Debata, nada tarbaen halahi paluahon sanga na ise pe, salang anak ni halahi sandiri pe nada tarpaluasa halahi. Hum hosa ni halahi sajo do na malua hara ni haburjuon ni halahi.”


Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.


i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:


Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”


Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?


Manyipi do halak na marroha muda diidasa parmaraan; anggo na oto didalani do torus lalu marmara.


Dipatimpas Tuhan sandok na mangolu di tano on – jolma, binatang dohot unggas. Hum si Noak ma i na so mate dohot sude na rap dohot ia di kapal i.


jana laing dohot aek i muse, diabiskon Debata portibi si narobi i, i ma dohot aek na oto.


Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.


Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.


Haporsayaan i ma jojahan ni roha taringot tu angka na niarop ni roha dohot hapastian taringot tu na so niida dope.


Tapi songon on do didokkon hatigoran hara ni haporsayaan, “Indangkon pola dok di bagasan rohamu, ‘Ise ma he na giot manaek tu banua ginjang?’ (astuanna, paijurkon Jesus),


Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.


Taran so ro banjir na godang i, mangan minum do halak, marbagas dohot pabagaskon lopus tu ari parmasuk ni si Noak tu kapal i.


Hara ni i, ingot hamu ma i! Madung jolo Hupaboa hian i tu hamu, taran so tarjadi dope.


Jadi kehe ma si Lot mandapotkon dua halak doli-doli tunangan ni borunia i, jana didok ia ma, “Ompoti hamu ma ruar sian kota on, harana giot abiskonon ni Tuhan ma kota on.” Tapi diambang halahi na margonjak do si Lot.


Jadi dipatulus si Noak ma sanga songon dia na diparentahon ni Tuhan i tusia.


On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.


Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.


Monjap do halak na marroha muda diida ro jaya; anggo halak na bodo sai mardalan do torus gabe marmara.


“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)


“Ruar ma ho sian kapal i dohot dadaborumi, angka anakmu dohot dadaboru ni halahi.


Jadi dipatulus si Noak ma sandok na niparentahon ni Debata tusia.


Dibege ia do sora ni sarune i, tapi nada ra ia dipasingot, mate ma ia hara ni salania sandiri. Muda ditangihon ia do sipasingot i, malua ma hosana.


Laho mulak halahi tu kotana, inda sian dalan na parjolo i be dibolus halahi. Angke ro do Debata paingotkon halahi markite-hite nipi, anso ulang be mangulahi halahi mandapotkon si Herodes.


Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”


Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!


Jadi mulak ma na mabalu i tu bagasnia. Dung masuk ia dohot dakdanaknia i, ditutup ma pintu; dibuat ia ma gunci na menek i na marisi miak zetun i, diusehon ia ma miak i tu bagasan gunci na nilehen ni anaknia i.


Hum donganmu jolma do i na rugi hara ni dosamu. Jana halahi muse do na maruntung patunda ni hadenggananmu.


Swiv nou:

Piblisite


Piblisite