Biblia Todo Logo
Bib sou entènèt

- Piblisite -




IBRANI 11:35 - BIBEL JAMITA NA DENGGAN

35 Hara ni haporsayaanna gabe dijagit angka dadaboru do angka na matena na mulak mangolu. Tapi adong muse do na mangalehen dirina disiksa lopus mate, jana manjua do halahi nipalua, hara ni na giot maruli halahi di hangongot na dumenggan.

Gade chapit la Kopi




IBRANI 11:35
17 Referans Kwoze  

Jana arop do rohangku, nisunggulan ma au sian hamatean anso mangolu mangulahi.


Ditangkup si Petrus ma tanganna i manogu ia laho jongjong. Dung i dipiohon si Petrus ma angka na porsaya i rap dohot angka ina na mabalu i, dipasahat ia ma si Dorkas na mulak mangolu i tu halahi.


Songon halahi, au pe laing mararop roha do tu Debata paboa angkon mulak mangolu sudena jolma dung marmatean, halak na burju bope halak na jahat!


Muda dung dipake pamatang na ra mate do pamatang na so ra mate i jana pamatang na sian portibi on mamake pamatang na sian banua ginjang i, baru ma anso tarjadi disi na tarsurat di bagasan Buku Na Badia i na mandok, “Madung dipangabis hamatean; madung dapot hamonangan!”


Dipamanat si Paulus ma, hape adong do deba anggota ni pangadilan i halak Saduse, jana na deba nari angka halak Parise. Jadi gabe didok ia ma tu pangadilan i, “Hamu ale angka dongan! Halak Parise do au, jana pomparan ni halak Parise. Gabe niuhuman do au dison hara ni na porsaya au angkon mulak mangolu do halak na dung mate i mangulahi,” ning ia.


Gabe manigor sumurut be ma angka tentara na giot manyiksa si Paulus i, komandan i sandiri pe gabe mabiar ma hara ni na dung sanga i ditambat si Paulus, hara ni na warga negara Rom i ia.


Tapi dialusi si Petrus dohot si Johannes ma, “Timbang hamu ma jolo sanga dia na tigor di roha ni Debata: mangoloi angka parentamunu do sanga mangoloi parenta ni Debata.


jana haruar ma halahi sian kuburan i. Jana sude halak na mambaen na denggan disungguli ma tu hangoluan. Tapi anggo sibaen na jahat disungguli tu hamatean.”


jadi martua ma ho hara ni i. Angke nada tarbalos angka halak na songon i denggan ni rohami. Harana angkon dapotan balosna ma ho di ari hangongot ni angka na tigor roha i.”


Angke anggo dung mulak mangolu do mangulahi angka na mate i, nada marbagas be halahi. Songon ngolu ni surusuruan noma halahi di banua ginjang i.


Angke muda dung dipangolu mangulahi angka na dung mate, nada marbagas be halahi mangulahi. Tapi songon parngoluon ni angka surusuruan noma ngolu ni halahi di banua ginjang.


Songon surusuruan noma pangalaho ni halahi jana nada ra be mate. Gabe dakdanak ni Debata ma halahi, angke madung dipangolu halahi mangulahi, sian hamatean.


Swiv nou:

Piblisite


Piblisite