IBRANI 11:25 - BIBEL JAMITA NA DENGGAN

²⁵ Gumonan do dihilala ia markancit rap dohot bangso ni Debata ulang pado santongkin mandai hasonangan sian ngolu na mardosa.

IBRANI 11:25 Referans Kwoze

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

JOB 36:21

Jamot ma ho, ulang marbalik tu na hajahatan. Anso ditadingkon ho do hajahatan, i do anggo maksud ni pardangolanmu.

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.

JAKOBUS 5:5

Marlobi-lobi do ngolumunu di tano on jana didai hamu na sonang. Tarsongon na pamokmok-mokmokkon diri do hamu laho sambolon.

JAKOBUS 1:20

Harana nada tarbaen hamuruhon ni jolma mangkarejohon hatigoran ni Debata.

IBRANI 11:37

Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

IBRANI 10:32

Ingot hamu ma sanga na bia pangalahomunu di hatiha na salpu. Anggo di hatiha i, dung ditorangi sinondang ni Debata hamu, bahat do parhancitan ditaon hamu; haru songon i pe laing marsitutu do hamu marjuang.

IBRANI 4:9

Jadi anggo di halak ni Debata laing adong dope janji anso maradian songon Debata na maradian di ari papituhon i.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

SURAT NI SI PAULUS TU PARLAGUTAN ROM 5:3

Tapi nada hum i sajo, di bagasan pardangolan pe laing marmoga-moga ma hita, angke madung taboto gabe mur sobar do halak dibaen pardangolan,

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

MATEUS 13:21

Tapi nada pola sadia gomos di bagasan roha ni halahi, gabe inda sadia honok tahan. Muda ro hasusaan dohot pangayak-ayahan hara ni jamita i, manigor marbalik ma halahi.

JESAYA 21:4

Hancit sajo simajujungku jana gok biar ma au. Dipangido rohangku ma anso humipas borngin, hapengani mur tamba dope biarku disi.

MASMUR 47:9

Marlagut ma pamimpin ni angka bangso, songon bangso ni Debata na nisomba ni si Abraham. Angke raja na godang do Debata, gumincat do kuasoNia sian sude parangan.

DANIEL 3:18

Tapi sugari nada dibaen Ia songon i, diastui raja i ma anggo hami nada sombaonnami debata ni raja i jana patung sere na nipajongjong ni raja i pe nada sombaonnami.”

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’