IBRANI 11:23 - BIBEL JAMITA NA DENGGAN

²³ Hara ni na porsaya, gabe ditabunihon natorasna do si Musa tolu bulan honokna dung sorang ia. Diida halahi na denggan do dakdanak i jana nada mabiar halahi mangalo parenta ni raja.

IBRANI 11:23 Referans Kwoze

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 1:16

Ninna raja ni Mesir i ma tu angka bidan i, “Muda ditolong hamu ina ni halak Ibrani na giot manubuhon dakdanak, ingot ma on: Muda halaklahi do na sorang i, bunu hamu! Tapi anggo dadaboru do, padiar hamu ma mangolu.”

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

BAENON NI ANGKA RASUL 7:20

Di hatiha i ma sorang si Musa; tama do ia di adopan ni Debata. Tolu bulan lolotna sai di bagas ni amangna dope ia dipature-ture,

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

DANIEL 6:10

Jadi diteken Raja Darius ma surat parenta i.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

MASMUR 56:4

Hupuji do Ho ale Debata, hara ni na nijanjihonMi; tu Ho do au marpos ni roha, gabe nada au mabiar; nada tarbaen jolma sanga na aha tu au.