IBRANI 10:27 - BIBEL JAMITA NA DENGGAN

²⁷ Hum na manjagit pangadilan ni Debata sajo noma hita dohot manjagit hagugurgur ni muruk ni Debata na mangabiskon sanga ise halak na mangalo Debata!

IBRANI 10:27 Referans Kwoze

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

JAKOBUS 5:3

Madung haraton sere dohot perakmunu i; haratna i ma na gabe saksi mangalo hamu jana panganonna ma pamatangmunu songon api. Madung dipalagut hamu arta marayak ari na parpudi.

IBRANI 12:29

Angke songon api na mangabiskon do tutu anggo Debatanta i.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

MATEUS 3:10

Madung singkop kampak laho manaba hayu di uratna i. Sude hayu na so denggan parbatuna, sitabaon ma i, jana niambungkon tu api.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

JOEL 2:30

PamasaonKu ma angka hahomangan di langit dohot di tano on: Mudar, jilam ni api dohot timus na marsijongjong.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

DANIEL 5:6

Gabe rata lombam ma ia jana mabiar situtu jabat humitir totnia i.

JEHESKIEL 38:19

Jana di bagasan parpiar ni murukKu ondamonKu ma, paboa di ari i, ro lalo na gogo di tano Israel.

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

MASMUR 21:9

Dibaen Ho do halahi songon api na marjembur-jembur, dihatiha dipataridahon Ho diriMu, ale Tuhan. Abis ma halahi baenon ni muruk ni Tuhan, bope baenon ni api na mambaen marmosokan.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

LUKAS 23:30

Dokkonon ni halak ma di hatiha i tu angka dolok, ‘Tinggangi ma hami!’ Jana tu angka partoran, ‘Lingkupkon ma hami!’

LUKAS 21:26

Jadi tarkatos ma jolma manusia hara ni na mabiar painte-intehon sanga aha na giot tarjadi di portibi on sude. Angke gabe humutur ma sude angka hagogoon na di langit.

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.

JOHANNES 5:29

jana haruar ma halahi sian kuburan i. Jana sude halak na mambaen na denggan disungguli ma tu hangoluan. Tapi anggo sibaen na jahat disungguli tu hamatean.”