Biblia Todo Logo
Bib sou entènèt

- Piblisite -




HOSEA 9:17 - BIBEL JAMITA NA DENGGAN

17 Tulakkonon ni Debata na huoloi ma bangsoNa i, hara ni na so ra halahi manangihon Ia. Madang-adang noma halahi ditonga-tonga ni angka bangso.

Gade chapit la Kopi




HOSEA 9:17
34 Referans Kwoze  

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.


Sanga ise na so manangihon na nidok ni panurirang i, angkon dipasiding do ia sian bangso ni Debata jana dibunu.’


Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.


Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.


Sugari na burju ho mangoloi aturanKu so pola lalap, gabe mardalan ma pasupasu tu ho songon batang aek na so unjung mahiang. Hamonangan marroan ma tu ho songon ombak ni laut na so unjung maradian.


BaenonKu ma parenta jana piaranna ma bangso Israel songon pamiari ni halak di gandum di bagasan anduri. Laho pasidingkon sude na so marguna sian tonga-tonga ni halahi, hursuhonKu ma halahi di tonga-tonga ni angka bangso.


Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”


Dung i didok si Jesaya ma, “Antong anggo songon i, tangihon ma ale pomparan ni Raja Daud! Na so tuk dope he hum jolma lojaanmu, umbaen jabat lojaanmu dope Debatangku?


Sanga ise na manangkang muda dipaingot, di sada hatiha gabe maropuk jana nada be tarpauli.


Tapi anggo au, laing tu Ho do ale Tuhan pos ni rohangku, angke Ho do antong Debatangku.


Pangidoanku ale Debata, ingot ma sasude na dung hubaen i di bangso on jana pasupasu ma au.”


Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.


Tapi dialusi si Mika ma, “Mangasahon Tuhan na mangolu i, anggo au hum na nidok ni Tuhan do na giot dokkononku!”


Sai giot pusaonKu do halahi sudena nian, anso ulang be adong tu halahi parningotan.


Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.


Pasingkopon ni Debatangku ma sudena na hasaya di hamu mangihutkon hagabeanNia na so tarsuhat i na adong di Kristus Jesus.


Dung i ninna si Tomas ma tu Jesus, “O Tuhanku! Debatangku!”


Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”


Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?


Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.


Goaron noma halahi perak na so hasaya angke Au Tuhan, madung manulakkon halahi.


Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.


Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.


Haru pe marpupu Au mandok hata tu hamu, na so ditangihon hamu do i. Sude do dosa i dipambaeni hamu, jana nada ra hamu mangalusi muda Hupiohon hamu.


PaorotonKu ma hamu sian jolongKu songon pangusirKu di kahanggimunu halak Israel i.”


Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.


Swiv nou:

Piblisite


Piblisite