HOSEA 7:7 - BIBEL JAMITA NA DENGGAN

⁷ Di bagasan muruk na nihagiotanna i, dibunu halahi ma angka pamimpin ni halahi i. Dibunu halahi do raja ni halahi pasada-sada. Tapi haru songon i pe jorbutna na masa i, sahalak pe nada adong na martangiang tu Au mangido tolong.”

HOSEA 7:7 Referans Kwoze

2 RAJA-RAJA 15:30

Di taon padua puluhon mamarenta Raja Jotam anak ni si Usia di Juda, mambaen kompolotan ma si Hosea anak ni si Ela mangalo Raja Pekah jana dibunu ia ma si Pekah, lalu ia ma gabe raja manggontisa.

2 RAJA-RAJA 15:25

Sahalak sian angka tentarania na marpangkat, na margoar si Pekah anak ni si Remalia, mambaen kompolotan rap dohot lima pulu halak na sian Gilead, lalu dibunu halahi ma si Pekahya di sada benteng di bagas godang na di Samaria rap dohot dua halak na asing na margoar si Argob dohot si Arye. Dung i gabe raja ma si Pekah manggontihon si Pekahya.

2 RAJA-RAJA 15:14

hara ni na ro si Menahem anak ni si Gadi sian Tirsa tu Samaria mamunu si Salum, jana gabe raja ia manggonti si Salum.

2 RAJA-RAJA 15:10

Mambaen kompolotan ma si Salum anak ni si Jabes mangalo Raja Zakaria, jana mamunusa di Jibleam, jana ia gabe raja manggontihonsa.

HOSEA 8:4

Dipili bangsongKu do raja so jolo marsapa tu Au. Diangkat halahi pamimpin so dohot parbinotoanKu. Dibuat halahi do sere dohot perak ni halahi lalu dibaen patung ni gana-ganaan na mangalapi hamamago ni halahi sandiri.

HOSEA 7:10

Tarida ma tangkas haginjangon ni roha ni Israel, jana gabe bukti ni hasalaan ni halahi ma i. Haru pe madung tarjadi sudena i, laing na so ra muse do halahi mulak tu Au, Tuhan Debata ni halahi.

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JESAYA 43:22

“Hape anggo ho Israel, madung loja ho paida-ida Au; nada be dipio ho Au, ale Jakob.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

JOB 36:13

Sanga ise na so marTuhan disimpansa do muruk ni roha; maradu diuhum Tuhan, na so ra do halahi mangido partolongan.

HOSEA 7:14

Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

DANIEL 9:13

Sude jaya hamamago na tarsurat di bagasan Tona Ni si Musa didondonkon Ho do tu hami. Tapi haru songon i pe, ale Tuhan Debatanami, laing hami gagai do laho pasonang rohaMu. Laing hot do hami na so ra manadingkon angka dosanami jana nada hami parrohahon angka pangajaranMu.

JEHESKIEL 22:30

Hujalahi do sian tonga-tonga ni halak Israel i na malo pajongjongkon tembok, sanga jongjong di angka inganan ni tembok na matolbak laho mampartahankon luat i muda ro Au mangaroncohon di bagasan parpiar ni murukKu; hape hum sahalak pe nada adong dapot au.

2 RAJA-RAJA 10:14

“Tangkup sudena i mangolu-olu!” Ditangkup ma halahi mangolu-olu jana disambol di lambung ni sumur Bet-Eked, opat pulu dua halak sudena. Umpe sahalak dipatola mangolu.

2 RAJA-RAJA 10:7

Dung dijagit halahi surat ni si Jehu i, dibunu angka pangituai ni masarakat i ma anak dohot pahompu ni si Ahab sipitu pulu halak i, dipamasuk halahi ma angka uluna i tu karanjang jana ditongos halahi ma tu si Jehu di Jisreel.

2 RAJA-RAJA 9:33

Didok si Jehu ma tu halahi “Dabuhon hamu i tu toru!” Didabu halahi ma si Isebel jabat mamincar mudarna i tu dingding dohot tu kudo i. Dung i digilingkon si Jehu ma bangke ni si Isebel i dohot kareta kudonia i.

2 RAJA-RAJA 9:24

Disintak si Jehu ma siornia sagogonia jana dipalua ia ma tu si Joram, hona tanggoruna tombus lalu tu pusu-pusuna i. Madabu ma si Joram, mate di bagasan karetania i.

1 RAJA-RAJA 16:18

Disi diida si Zimri na dung dirampas kota i, masuk ma ia tu bagas godang, disurbu ia ma bagas godang i dohot ia, gabe mate ma ia.

1 RAJA-RAJA 16:22

Ujungna monang na mamihak tu si Omri; mate ma si Tibni jana si Omri ma gabe raja.

1 RAJA-RAJA 15:28

Di taon patoluhon ma i dung mamarenta Raja Asa di Juda tarjadi na masa i. Songon i ma dalanna gabe raja si Baesa di Israel manggontihon si Nadab.

HOSEA 13:10

Di dia ulaning rajamu, anso dipalua ia ho, dohot sude pamimpinmu anso dilehen ia hatigoran tu ho, ale ho na mandok, “Lehen ma tu au sahalak raja dohot angka pamimpin.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

JESAYA 64:4

Nada habegean dope sian narobi di narobi, jana na so unjung dope tarida i. Asing sian Ho, nada adong debata na mambaen songon i, tu halak na mararop ni roha tusia.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.