HOSEA 7:14 - BIBEL JAMITA NA DENGGAN

¹⁴ Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

HOSEA 7:14 Referans Kwoze

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

ZAKARIA 7:5

“Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

AMOS 2:8

Di sude inganan paribadatan, marmodoman jolma disi mamake baju na nibuat ni halahi gabe jaminan ni utang ni halak na pogos. Di Bagas Ni Debata, diinum halahi do anggur na nibuat ni halahi sian halak na marutang tu halahi.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

JESAYA 65:14

Marende ma halahi marjop ni roha, hape anggo hamu ngotngot tangis.

HAKIM-HAKIM 9:27

Kehe ma halahi mamutik anggur di angka kobun anggur, lalu mambaen anggur siinumon jana mambaen pesta. Mangan minum ma halahi di inganan pamelean ni debata ni halahi lalu disumpai halahi ma si Abimelek.

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

AMOS 8:3

Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”

HOSEA 3:1

Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

HARURUAR 32:6

Jana ancogotna i sogot dope dipelehon halahi ma haul situtungon dohot haul pardamean; jadi juguk ma bangso i mangan dohot minum, dung i jongjong ma halahi manortori.

ANDUNG 2:18

Ale angka tembok ni Jerusalem, pio-pio ma tu Tuhan! Marilu-ilu ma hamu songon aek na mabaor borngin bo arian. Torus ma hamu tangis, ulang maradian lopus loja pamatang!

HOSEA 8:2

Haru pe didok halahi Au Debata ni halahi jana didok bahaso halahi do bangsongKu na mananda Au,

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

JEREMIA 12:2

Songon suan-suanan, disuan Ho halahi; marurat ma i, martumbur jana marbatu. Matua sai mandok hata na denggan-denggan halahi taringot tu Ho, hape anggo di bagasan roha ni halahi satutuna nada holong roha ni halahi mida Ho.

HOSEA 13:9

SargehononKu ma hamu, ale bangso Israel! Jana ise ma na margogo mangurupi hamu?