HOSEA 6:6 - BIBEL JAMITA NA DENGGAN

⁶ GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.

HOSEA 6:6 Referans Kwoze

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

MATEUS 12:7

Tapi sugari diboto hamu sanga dia do astuan ni hata on: ‘Asi ni roha do giotKu, nada anggo na nihaulkon, tontu nada pola uhumonmunu halak na so marsala.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.

AMOS 5:21

Didok Tuhan ma, “Goyak do rohangKu jana magigi Au mida angka pesta ni ugamomunu!

JESAYA 1:11

Didok Tuhan do, “Diambang hamu do lakna jop ma rohangKu hara ni sude haul na sai nihaulkonmunu i tu Au? Madung magigi Au mida biri-biri haulmunu na nitutung i dohot di tabo-tabo ni anak ni lombu i. Nada ringkot rohangKu mida mudar ni lombu jantan, biri-biri dohot hambeng i.

PARJAMITA 5:1

Jamot ma muda giot kehe tu Bagas Ni Tuhan. Dumenggan do kehe tusi laho marsiajar ulang pado laho manghaulkon haul, songon na nibaen ni angka jolma na oto. Nada tarpaasing halahi sanga dia na tutu dohot sanga dia na sala.

MATEUS 5:7

Martua ma angka na marasi ni roha, dibaen dapotan asi ni roha do muse halahi.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

JEREMIA 7:22

Di na Huoban angka ompu na umpompar hamu ruar sian Mesir, nada adong Hulehen tu halahi aturan salaho tu haul situtungon maradu angka haul na asing i.

1 JOHANNES 3:6

Hara ni i sude halak na tinggal di bagasan Ia, nada be mangkarejohon dosa; ganop halak na tongtong mangkarejohon dosa nada marnida jana nada mananda Ia.

1 JOHANNES 2:3

Muda dohot hita burju mangoloi angka parenta ni Debata, i ma paboahon na tutu tatanda Debata.

MIKA 6:6

Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

JESAYA 58:6

Songon on do puaso na Huhagioti: Harkari hamu ma rante ni hajahatan dohot tali ni angka auga, jana palua hamu angka halak na niparkancitan ponggolkon hamu ma sude auga.

HOSEA 2:20

Hombar tu janjingKu, Hualap ho di Au. Okuonmu sandiri ma Au do Tuhanmu.

MASMUR 50:8

Nada hara ni haulmunu i umbaen na Huuhumi hamu; sai di jolongKu do anggo haul i na nitutungmunu.

MARKUS 12:33

Dung i, angkon holong do roha ni jolma mida Debata sian sude rohana, dohot sian sude pikiranna dohot sian sude na adong disia. Dung i muse angkon holong do roha di halak na asing songon na mangkaholongi diri niba sandiri. Dumengganan dope na songon i ulang pado na manghaulkon pahan-pahanan sanga angka haul na asing tu Debata di ginjang ni inganan parkaulan i.”

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

JOSUA 5:5

Di hatiha na haruar angka halak Israel sian Mesir, na dung marsunat do sude angka halaklahi di halahi. Tapi di na madang-adang angka halak Israel di parhorsihan opat pulu taon honokna, sada halak pe sian dakdanak ni halahi halaklahi nada adong dope na disunat.

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!