HOSEA 6:10 - BIBEL JAMITA NA DENGGAN

¹⁰ Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.

HOSEA 6:10 Referans Kwoze

HOSEA 5:3

Hutanda do ho, Efraim jana Huboto do sudena taringot tu ho, angke madung markarosuan ho, ale Israel; jana madung dipahodar ho dirimu.”

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

HOSEA 4:17

Mardomu do Efraim dohot angka gana-ganaan, padiar ma ia!

HOSEA 4:11

Parbatu ni anggur dohot aek ni anggur mangagohon hagogoan laho marpikir.

JEHESKIEL 23:5

Haru pe na dung ripengKu si Ohola, laing tongtong do ia manggampang jana sai gintal do dihilala ia laho mangoloi angka haholongan ni rohania na sian Asur.

JEREMIA 18:13

Didok Tuhan ma, “Sapai ma tu ganop bangso, sanga na unjung tarjadi songon on. Madung dibaen halak Israel pangalaho na jorbut i!

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

2 RAJA-RAJA 17:7

Madabu pe Samaria, hara ni dosa ni Israel do maradopkon Tuhan, Debata ni halahi na dung paluahon halahi sian raja Mesir jana na paruarkon halahi sian luat i. Na marsomba do halahi tu gana-ganaan

1 RAJA-RAJA 15:30

Mardosa si Jerobeam jana patundania gabe mardosai halak Israel. Songon i ma dipagilap si Jerobeam muruk ni Tuhan, Debata na nisomba ni halak Israel i.

1 RAJA-RAJA 12:8

Tapi nada ditangihon si Rehabeam sipaingot ni angka hatobangon i. Balikna do, tu angka halak na umposo do ia kehe tu dongan torbangnia jana na dung dohot gabe panuturinia.

JEHESKIEL 23:7

Dohot angka halak na godang i ma si Ohola marhamainan. Mardomu hara ni gintalna marhalaklahi, dipahodar ia ma dirina marhite na manyomba angka gana-ganaan.

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.